रेशमी जमाना

विसरू तर विसरू कसा मी, तो रेशमी जमाना
तिचे ते लाजून हासणे,माझ्या घरापुढून जाताना
काय सांगू मित्रा किती,फुगली होती छाती माझी
टाकला जो कटाक्ष तिने,मी मित्रांत उभा असताना

काय सांगू चिठ्ठीचा प्रवास किती रोचक असायचा
आठवडा आठवडा लागायचा चिठ्ठी पोहोचताना
जीवाची होणारी घालमेल थांबायची अचानक
बघून आपला पोस्टमन तिच्या घरात शिरताना
विसरू तर विसरू कसा मी, तो रेशमी जमाना...

कशा वर्णू मनाच्या अधनातील,त्या अधीर उकळ्या
पावसात भिजलेले प्रेमपत्र,चुलीपुढे धरून वाचताना
कसे दाखवू आज तुम्हाला, अंगावरील तेंव्हाचे रोमांच
लपून छपून मित्राच्या घरी तिला पहिल्यांदाच भेटताना
विसरू तर विसरू कसा मी,तो रेशमी जमाना....

सायकलच्या फेऱ्या मारायच्या तिच्या गल्लीत
पहायचं तिला सायंकाळी ती छतावर फिरताना
सायकल ही थरथरायची अन् हातपाय गळायचे
एखाद्या दिवशी तिच्या भावाला छतावर पाहताना
विसरू तर विसरू कसा मी, तो रेशमी जमाना...

जन्मभराची शिदोरी आहे,त्या आठवणींचा गठ्ठा
फुलतो माझा श्वास आजही,ते दिवस आठवताना
मी आहे ती आहे, तेच दिवस आहेत उरात माझ्या
आजही सुखावते मन ते पान हृदयाचे उलगडताना
विसरू तर विसरू कसा मी, तो रेशमी जमाना...

-

पाहता क्षणी तिला,पाहतच राहिलो..

तिचे बोलणे गडे,मधापरी मधुर गोड
सौन्दर्याला तिच्या,साधेपणाची जोड
ती बोलत होती,मी ऐकतच राहिलो
पाहता क्षणी तिला,पाहतच राहिलो....


ओठ तिचे पाकळी,जशी गुलाबाची
डोळे तिचे काजळी,जशी अंबुदाची
तिचे कोमल गाल,न्याहाळतच राहिलो
पाहता क्षणी तिला,पाहतच राहिलो......


केस सावरत उभी,ती भासते अप्सरा
मुखावर भाव तिच्या,खट्याळ हसरा
बघायचे नाही म्हणत बघतच राहिलो
पाहता क्षणी तिला,पाहतच राहिलो


तिचा पडला कटाक्ष,मज पामरावर
वाटले पुष्पाने उलघडले,गुज भ्रमरावर
पवनापरी अलगद,वाहवतच राहिलो
पाहता क्षणी तिला,पाहतच राहिलो

-

मला याची अजिबात फिकीर नाही
की द्वेषाने तुडुंब भरलेली ही मने
वाहवत जातील
केवळ एकाच दिशेने,
मला फिकीर आहे ती याची
की निसर्ग नियमानुसार
पाझरत राहतील,
द्वेषाचे जहरी थेंब
त्यांच्या आपल्या
प्राणप्रिय माणसांवरही!

~ गौसपाशा शेख
    पालघर
8412070716

-

मला याची अजिबात भीती नाही

मला याची अजिबात भीती नाही
की द्वेष केला जातोय माझा
सतत ह्या ना त्या कारणाने,
मला भीती वाटतेय ती याची
की द्वेषाच्या बदल्यात
मी पण शिकणार नाही ना ?
द्वेष करायला ! 

मला याची अजिबात चिंता नाही
की विष कालवले जातेय
कोवळ्या मेंदूत,
मला चिंता आहे ती याची
की माझा मुलगा बळी तर पडणार नाही ना
' नफरत का जवाब मोहब्बत से' ऐवजी
'ईंट का जवाब पत्थर से'सारख्या
दरिद्री फिलोसॉफीला !

मला याची अजिबात काळजी नाही
की द्वेषमूलक केली जातेय
समाजरचना ,
मला काळजी वाटतेय ती याची
की इतका द्वेष मनी बाळगताना
किती व्याकुळ होत असेल ?
मानवी हृदय !

-

माणसाच्या मनातून ईश्वर काढून टाकल्यावर जी पोकळी निर्माण होते,
त्या पोकळीला इतर कोणत्याही घटकाने न भरता त्या पोकळीसह शांततेत जगता आले
की तुम्ही मुक्त झालात.

-

इंसान से इंसान का रिश्ता जैसा भी हो
भगवान से अपना रिश्ता बताते हैं लोग,

दिनभर हक़ मारते हैं अपनों का अपने
स्टेटस मगर बड़ा धार्मिक लगाते हैं लोग

-

स्त्री ( अभंग )

एकीकडे पूजा । दुसरीकडे छळ
कोण देते बळ । अत्याचारा ।।

डोळे वटारून । पुसती कोण ते
उशीरा का येते । सांजवेळी ।।

पोशाख बघता । चारित्र्य कळते
अनर्थ घडते । कोण वदे ।।

प्रगत विचार । स्त्रीचे नसावेत
प्राचीन हवेत। कोणा सांग ।।

पुरुषच लादे । पुरुषी विचार
झाला व्याभिचार।वर बोले ।।

                    ~ गौसपाशा शेख
                         पालघर
                    8412070716

-

तुला माहीत आहे का ?

हळुवार मोरपंख फिरवतेस तू हृदयावर त्याच्या
सगळीच गुपिते मांडतेस तू पटलावर त्याच्या
त्याच्या आठवणीत तुझा मनस्वी कॉल असतो
तेंव्हा त्याच्या मोबाईलचा स्पीकर ऑन असतो
हे तुला माहीत आहे का ?

ती वार्तापत्रे तुझ्या नयनांतून अलगद झिरपलेली
ती प्रेमपत्रे तुझ्या काळजातून अलगद पाझरलेली
निर्लज्जपणे तो घोळक्यात वाचून दाखवत असतो
तुझ्या खासगी क्षणांचा असा बोभाटा होत असतो
हे तुला माहीत आहे का ?

धुंद असते रात्र आणि समोर असतो एक प्याला
कोमल यौवन तुझे असते त्यांच्या चाखण्याला
मैफिल आपल्या ऐन तारुण्यात पोहोचते जेंव्हा
चारित्र्याची तुझ्या बये नग्न धिंड निघते तेंव्हा
हे तुला माहीत आहे का ?

   ज्याच्यावर तू इतका अथांग विश्वास ठेवतेस
   ज्याच्याशी अगदी सगळं काही शेअर करतेस
   तोच तुझ्या नाजूक भावनांचा बाजार मांडू शकतो
   स्वतःला शिकारी अन तुला शिकार बनवू शकतो
   हे तुला माहीत आहे का ?

-

*तुम पुरानी पेंशन पर अड़े रहना*

वो NPS में सुधार की बात करेंगे
गारंटीड पेंशन की भी साथ करेंगे
तुम पुरानी पेंशन पर अड़े रहना,
हाथ से मिलाकर हाथ जुड़े रहना

वो कहेंगे NPS से बड़ा लाभ मिलेगा
देखना पेंशन लाख दो लाख मिलेगा
तुम पुरानी पेंशन पर अड़े रहना,
हाथ से मिलाकर हाथ जुड़े रहना

वो कहेंगे हमने संशोधन किया है
NPS खाते में एक्स्ट्रा धन दिया है
 तुम पुरानी पेंशन पर अड़े रहना,
हाथ से मिलाकर हाथ जुड़े रहना

 वो बड़े बड़े अर्थशास्त्री ले जाएंगे
 चैनलों पर 'अनर्थ'बहस कराएंगे
 तुम पुरानी पेंशन पर अड़े रहना,
हाथ से मिलाकर हाथ जुड़े रहना

इलेक्शन आते ही फेंकेगे जाल
पेश करेंगे तुम्हे कोई मध्यम मार्ग
तुम पुरानी पेंशन पर अड़े रहना,
हाथ से मिलाकर हाथ जुड़े रहना

-

कधी

तिने दिलेला मोरपंख पुस्तकात
लपवला असेल ना कधी
मनाच्या मळ्यात प्रेमाचा गुलाब
सजवला असेल ना कधी

मेंदी लावलेले तिचे कोमल हात
आठवून बघ पुन्हा एकदा
दिल काढून तुझं अद्याक्षर तिने
रंगवला असेल ना कधी

कोनाड्यातला मुका आरसा
बोलत नसला जरी कधीही
तिच्या नावाची हाक देऊन तुला
लाजवला असेल ना कधी

मित्र असतो खंबीर उभा पाठीशी
कुणी तुझी टर उडवतो तेंव्हा,
पण तिचे नाव घेऊन मस्करीत तुला
खिजवला असेल ना कधी

भळभळणारी जखम उरात लपवून
हसला असाल वर वर
कुण्या उदास सांजवेळी कुणी
रडवला असेल ना कधी

-