या हो दादा, या हो माई,
बसा सावलीमध्ये क्षणभर,
जरा चाखून तरी बघा,
माझ्या कष्टाची भाकर..
काळी माय, आम्ही तिची लेकरं...
शेतामंदीच पिकवतोया हे सारं...
नाही चीज, नाही घातले पनीर...
भाकरीला नाही वरून बटर...
टिचभर ठेचा अन् पोटभर भाकरं...
कितीबी खा, नाही वाढणार तुमची शुगर...
गाळतूया घाम, फुलवतोया शिवार...
निसर्गराजाच घालतोया मायेची पाखर...
सर्जा राजा शेतात ओढतो नांगर...
आवडी दळतीया पीठ, घालूनी जवार...
एवढ्याश्या गरजेचा आमचा सुखी हा संसार..
जरा चाखून तरी बघा, माझ्या कष्टाची भाकर..
जरा चाखून तरी बघा, माझ्या कष्टाची भाकर...
-