2024 May 1

-

വാടിക്കരിഞ്ഞ കിനാവുകൾ
രാത്രികളെ വിരസമാക്കുന്നു
മനസ്സിന്റെ ഊഷരതയുടെ
നേരടയാളങ്ങൾ പോലവ
എന്നെ വേദനിപ്പിക്കുന്നു.
ഹൃദയത്തിന്നാഴങ്ങളിൽ
എന്നും സ്നേഹത്തിന്റെ
പവിത്രധാരയേകി ഞാൻ
ഒരു പനിനീർപുഷ്പത്തെ
വാടാതെ സൂക്ഷിച്ചിട്ടുണ്ട്.
ഇടയ്ക്കൊന്നു വാസനിക്കാൻ...
എന്റെ മാത്രം ഓർമ്മച്ചിന്തുകൾ.!

-

മറ്റുള്ളവരുടെ നന്മ ആഗ്രഹിച്ചു ശുദ്ധമനസ്സോടെ ഒരാൾ ചെയ്യുന്ന കാര്യങ്ങൾ തെറ്റിദ്ധരിക്കപ്പെടുമ്പോൾ
ഉണ്ടാകുന്ന നൊമ്പരം എത്രയെന്നു പറഞ്ഞറിയിക്കാൻ കഴിയില്ല!

-

രാമഴക്കൊഞ്ചൽ..
വേണം ഉറക്കുപാട്ട്.,
മാനസം ശാന്തം!

-

2024

-

എഴുതാം മനസ്സ് നിറയുവോളം 🌹

-

നിറം മാറാൻ ഓന്തിനിഷ്ടമാണ്
ചില മനുഷ്യർക്കും.
എവിടെ ഒട്ടിച്ചേർന്നിരിക്കുന്നുവോ
അവിടെ അമ്പേയിണങ്ങും.
തന്റെതായ ഇടമൊരുക്കും,
വേണ്ടതൊക്കെ കൈക്കലാക്കും
മറ്റുള്ളതെല്ലാം പാടേ മറന്ന്
അതിയായി സന്തോഷിക്കും.
സാഹചര്യങ്ങൾക്കനുസരിച്ച്
മാറാൻ പഠിക്കണം.
പക്ഷേ, ഒടുക്കം തനിനിറം
കാട്ടി എനിക്ക് കൂടി
പെരുദോഷമുണ്ടാക്കല്ലേ
എന്ന്,, പാവം ഓന്ത്!!

-

തനിച്ചു വന്നു നാം,
തനിച്ചു പോകും നാം.
അതിനിടയിൽ
ദാനമായ് ലഭിച്ചൊരു
ഇടത്താവളമല്ലോ
ഈ മർത്യജീവിതം!

-

സത്യത്തിന്റെ കയ്പ്പ്

-

കുഞ്ഞുകുഞ്ഞാഗ്രഹങ്ങൾ ❤️

-