Jis insaan k bina, hum ek pal nahi rehe sakte,
Aksar wahi hume akele rehna sikha dete hai....

Jin logon ki raat asani se nahi kathti,
Unhe kabhi mat puchna ki savera kaisa hota hai....

Kisi rishte mein itna bhi mat doob jaana,
Ki uthne k liye dusron ka sahara lena padhe....

Wahi log humse rishta todh dete hai,
Jinse hume lagav sabse zyada hota hai....

Saamne wala apni jagah par aksar sahi hota hai,
Bas hum he zarurat se zyada ummeed kar baithte hai....

Waqt batane waale to bahaut mil jaatein hai,
Magar waqt par kaam aane wale bahaut kam milte hai....

Bharosa kisi par bhi kar lena, magar ye baat yaad rakhna,
Ki kabhi kabhi khud k daant he jeebh ko kaat lete hai....

-

Ab mujhe bhi padhne lagi hai zarurat chasme ki,
Kyunki logo k dhoke ab thik se nazar nahi aate....

Kabhi kabhi zindagi ek pal mein guzar jaati hai,
Or kabhi kabhi, zindagi ka ek pal nahi guzarta....

Is kyun ka jawab to nahi hai mere paas,
Bas itna pata hai ki mujhe uski bahaut zarurat hai....

Mujhe dard to hota hai, par zyada nahi,
Usse naraaz hoti hu, magar bichadne ka iraada nahi....

-

Koi puche tumse ki kaun hoon mai,
Kehe dena koi khaas nahi....

Chahti thi jo rishta jodhna mujhse,
Ab roti hai, ki mai uske paas nahi...

Keheti hai mohabbat mein tooti hai,
Zinda hai wo, laash nahi....

Tanhaiyon mein roti hai wo,
Jeene ki ab usko aas nahi....

Keheti hai ki shayar hai,
Jiske jazbaat uske saath nahi....

Karti hai wo ishq andheron se,
Ujalon pe ab usko aitbaar nahi....

Koi puche tumse ki kaun hoon mai,
Bas kehe dena koi khaas nahi...

-

Uski tasveer seene se lagata hai koi,
Suna hai use yaad bhi aata hai koi....

Ishq ki raah mein mile zakhmon pe,
Puchna tha, ki marham bhi lagata hai koi?

Apne khayalo mein tu jise sochta hai,
Kya hakikat mein tere paas bhi aata hai koi?

Khushiyon mein leta hai tu naam jiska,
Kya teri mushkilon mein bhi saath nibhata hai koi?

Uski tasveer seene se lagata hai koi,
Suna hai use yaad bhi aata hai koi....

-

Muskurahatein jhooti bhi ho sakti hai,
Insaan ko dekhna nahi, samjhna seekho....

Ilzaam to kaanton par he aayega ye sochkar,
Kai baar phool bhi zakhm de jaatein hai....

Ye saara khel ehsason ka hai janab,
Warna mohabbat to saat pheron k baad bhi nahi hoti....

Os ki boond sa hai ye zindagi ka safar,
Kabhi phool to kabhi dhool mein....

Bada gazab kirdaar hai mohabbat ka,
Adhoori ho sakti hai, par khatam nahi....

-

Insaan sirf isiliye akela ho jaata hai,
Kyonki wo apno ko chorne ki salah, gairon se leta hai....

Bahaut kareeb rahoge to kuch na dekh paoge,
Dekhne k liye fasla bhi zaruri hai....

Mujhe dhund he leti hai wo naye bahane se,
Mushkilein waakif ho gayi hai mere har thikaane se....

Kabhi kabhi yoon bhi humne apne dil ko behlaya hai,
Jin baaton ko khud na samjhe, unhe dusron ko samjhaya hai....

Zindagi mein saara jhagda in khwahishon ka hai,
Na to kisiko gum chahiye aur na he kam chahiye....

Jin logon ko rishte ki sahi mein fikr hoti hai,
Wo log bina galti k bhi maafi maang lete hai....

Ek insaan to majburi batakar chala jaata hai,
Magar dusre ki to zindagi daaun par hoti hai...

-

Khud ko kho kar hume kya paana tha,
Ek na ek din to hume bichad he jaana tha....

Har shaks se ki wafaa ki ummeed jo humne,
Phir ek roz inhe bikhar he jaana tha....

Na jaane kin raaston mein hum nikal padhe,
Ye wo raastein nahi jaha hume jaana tha....

Mushkilo se karli jo dosti humne,
Khushiyon ko to guzar he jaana tha....

Dhundte phire zindagi ko, zindagi mein hum,
Isse behtar to hume goom he ho jaana tha....

Khud ko kho kar hume kya panaa tha,
Ek na ek din to hume bichad he jaana tha....

-

Kabhi kabhi lagta hai ki bachpan he thik tha,
Daant tuthte the magar dil nahi....

Kitni ajeeb dastaan hai is zindagi ka bhi,
Yaha duriyaan sikhati hai zindagi k mayine....

Badal jaaten hai wo log bhi waqt ki tarah,
Jin logon ko had se zyada waqt de diya jaye....

Jhukne se rishta gehra ho to jhuk jaana,
Magar har dafaa tumhe he jhukna padhe to rukh jaana....

Taqlif to hazar hai is duniya mein,
Jab koi apna nazar andaz kare to saha nahi jaata....

Kehte hai jo pa liya to wo mohabbat he kya,
To, jo sulagta rahe wahi ishq hai kya?

Wahi insaan he sirf tumhari parwah karta hai,
Jo tumhari khamoshi ko samajh sakta hai....

Zindagi mein aawaaz dene waale hazaron mil jayenge,
Magar humesha wahi baithna ,
Jiske paas baithkar,
Apnepan ka ehsaas ho....

-

Kya zamana aa gaya hai....
Agar baat zarurat ki ho,
To har shaks ki zaban meethi ho jaati hai....

Ab zaruri ho gaya hai dard mein muskurate rehena,
Kyunki is halat mein, log sawal bahaut karte hai....

Jin logon ki hasi khubsoorat hoti hai,
Aksar unke zakhm sabse gehre hote hai....

Sabr karo, jiske tum kaabil ho,
Zindagi wo har cheez tumhe zarur degi....

Kisi ki yaadon mein jalkar ye ehsas hua,
Ki har aag ko paani se bujhaya nahi ja sakta....

-

Bahaut tasalli se dekha hai aaj maine use,
Agar aaj neend nahi aayi to koi baat nahi....

Kisine mujhse kaha ki tum bahaut acchi ho!
Maine bhi usse kaha, bas yahi to kharabi hai....

Waqt sabko milta hai zindagi badalne k liye,
Zindagi dobara nahi milti waqt badalne k liye....

Ye duniya matlabi hai, koi khaas nahi hota,
Jab aati hai musibat, koi paas nahi hota....

Us insaan ko koi badal nahi sakta,
Jise apni he galti kabhi nazar nahi aati....

Ye kafan, ye janaza sab baatein hai,
Warna mar to insaan tab he jaata hai jab koi yaad nahi karta....

Jitna gehra rishta, utni zyada ummedein
Aur jitni zyada ummedein, utni gehri chhot....

-