సముద్రం
ఎంత ప్రేరణ పొందుంటుదో!
ఎన్నో కోట్ల
ఉదయాలను చూసింది

-

మేఘాల్ని
ఎవరు పొగిడారంతగా?
అంతెత్తున
వెళ్లి కూర్చున్నాయి!

-

మేఘాల్ని
ఎవరు పొగిడారంతగా?
అంతెత్తున
వెళ్లి కూర్చున్నాయి!

-

తోకలో
వెన్నలని దాచుకుంది
మిణుగురు
జాబిలిని కుట్టొచ్చిన దోమ!

-

ఆకాశం
ఎరుపు సిగ్నల్ ఇస్తుంది
రాత్రిని
నిశ్శబ్దం పాటించమని

-

పెదాలపై ఆటోగ్రాఫ్ లు
ఇచ్చుకున్నారు
ఒకరికొకరు
ఫాన్స్ అంట మరి

-

నేనూ వర్షం
చాన్నాళ్లకు కలిసాం
చినుకులన్ని
ముచ్చట్లు చెప్పుకున్నాం

-

గొడుగు
మౌన వ్రతం వీడింది
వర్షం పడగానే
మనసు విప్పుకుంది

-

గది మధ్యలో
నేను ద్వీపంలా ఉన్నా
నా చుట్టూ
పుస్తకాల సముద్రం

-

సముద్రానికి
తీరమొక రఫ్ బుక్
రాసిందే రాసి
మళ్ళీ చెరిపేస్తది

-