அதென்ன பாய் போட்டு
பார்த்து கொண்டிருக்கிறாய்
எப்போதும் போல் தானே
இருக்கிறது என்கிறாய் ..

எப்போதும் போல் தானே
இருக்கிறது என நினைத்துவிட்டால்
எப்போதும் பார்த்திடமாட்டாய் வானத்தை..

நான் பார்த்துக்கொண்டிருப்பது
எப்போதும் போல் இல்லாத
என்னை..

-

காரணங்களால் நிரம்பி வழியும்
என்னிடம் ஒரு காரணமுங் கேட்காதே
ஏன்.. எதற்கு என்பவை
எப்போதோ சலித்துப்போயின..

சொற்களால் ததும்பி நிற்கும்
உன்னிடம் எவ்வளவு சொல்லியுந் தீராது
ஏன்.. எதற்கு என்னுங் கேள்விகள்
அப்போதே அடைத்துவிடுகின்றன
எல்லா வாசல்களையும்..

-

எதையெதையோ தேடி
எங்கோ வந்துவிட்டேன்
எதற்கும் கொண்டுபோகாததாய்
நீள்கிறது
என் முன்னே இன்னும்
ஆயிரம் பாதைகள்
ஒரே இடத்திற்குள்ளாய் தான்
சுற்றுகிறேன் என்பதை
எப்போது உணரப்போகிறேன்
அக்கரை தான் எவ்வளவு பச்சை..

-

-

Nalaiku Chennai book fair poren.. Yarathu vanthingana sollunga thozhargale.. Kalathula santhipom

@YMCA Nandanam

-

Microtale: On the table

I left the Chalk box on table after taking one. I was busy with blackboard still sensed that Melona is busy too. I ran back finding her breaking and munching the chalks with half-grown teeth. Seeing my stiffness she offered me one in apologize. I left the chalk in floor this time. But she cared not, eyeing for something new on the table.

-

'எதற்காய்
இவ்வளவு தூரம் கடந்து வந்தாய்,
இவ்வளவு தூரம் கடந்து
வர தான் வேண்டுமா!'
என்னும் ஒரே கேள்வியை
வெவ்வேறு விதமாய்
கேட்டு பார்க்கிறாய்

போதியதாய் இல்லை உனக்கு
'உனக்காகத்தான் வந்தேன்'
என்னும் ஒற்றை வாக்கியம்

அதை தாண்டிய
போதிய காரணங்கள்
எனக்கும் இல்லை
வந்துவிட்டேன்..

-

எல்லா பாதைகளும் ஒன்றல்ல
நீ உனக்கான பாதையில்
ஊன்றி நில்
எண்ணத்தின் விதை
அதில் விரியட்டும்
லட்சியத்தின் கனவு
அதில் வளரட்டும்
எந்நிலையிலும் விடாது
பற்றிக்கொண்டிரு முயற்சியினை
தொடர்ந்திடுமே
வெற்றி உன்னை..

-

-

உன்னை என்னிடம்
பிரித்து வைத்திருப்பதற்கு காரணம்
உன் காரணங்களே

-