ನಾವು ಪುಸ್ತಕ ಓದಿ
ಅಂಕಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದೇವೆ;
ಆದರೆ
ಅರ್ಥೈಸಿಕೊಂಡು ಅಳವಡಿಸಿಕೊಳ್ಳುವುದರಲ್ಲಿ ವಿಫಲರಾಗಿದ್ದೇವೆ.
~ಎ. ಎಸ್ ಕೆ

-

ಅವಳ ದೇಹದ
ಅಂತ್ಯಸಂಸ್ಕಾರವಾಗುವುದರೊಳಗೆ
ಅವಳ ಸಾವಿಗೆ ನ್ಯಾಯ ಕೊಡಿಸುವೆವೋ
ಇಲ್ಲವೋ ನಾ ಕಾಣೆ...!!!!
"ಆದರೆ"
ಅವಳ ಕೊಂದವನ
ಅಂತರಾತ್ಮ ಕ್ಷಣಕ್ಷಣಕೂ ಪ್ರಾಯಶ್ಚಿತಮಾಡಿಕೊಳ್ಳುವಷ್ಟು,
ಅವನ ದೇಹಾತ್ಮಗಳು ನಿರ್ಜೀವ, ನಿಷ್ಪ್ರಯೋಜನವೆಂದೆನಿಸುವಷ್ಟು,
ಅಮರಣಣಾಂತ ಶಿಕ್ಷೆಯು ಅವನಿಗೆ ದಕ್ಕಿಸುವೆವು.......!!!!!
~ ಎ. ಎಸ್ಕೆ.

-

ಬಡ ಮತ್ತು ಮಧ್ಯಮ
ವರ್ಗದ ಯುವಕರು ಧರ್ಮದ ಆರಾಧನೆ ತೊರೆದು ಓದುವ ಹಾದಿ ಹಿಡಿದರೆ, ಹಿರಿಯರು ದುಡಿಯುವ ದಾರಿಯಲಿ ನಡೆದರೆ, ಮುಂದಿನ ಭವಿಷ್ಯ ಯಾವ ಜ್ಯೋತಿಷ್ಯನನ್ನು ಕೇಳದಿದ್ದರು ಪ್ರಜ್ವಲಿಸುತ್ತದೆ.
~ಎ.ಎಸ್ಕೆ

-

ಕಳೆದು ಹೋದದ್ದು ಕಳೆದುಕೊಂಡವರಿಗೆ ಮಾತ್ರ ಅತ್ಯಮೂಲ್ಯ;
ಅದರಗತ್ಯವಿಲ್ಲದವರಿಗೆ ಸಿಕ್ಕರೆ
ಏನು ಮೌಲ್ಯ.......‽‽‽‽
~ಎ. ಎಸ್ಕೆ

-

75 ವರ್ಷಗಳ ಹಿಂದೆ ನಮ್ಮ‌ದೇಶದಲ್ಲಿ ರಾಜಪ್ರಭುತ್ವ ಅಂತ್ಯಗೊಳಿಸಿ ಪ್ರಜಾಪ್ರಭುತ್ವ ಜಾರಿಗೊಳಿಸಿ;
ಪ್ರತಿಯೊಬ್ಬ ಪ್ರಜೆಗೂ ಹಕ್ಕು ಗೌರವಗಳು ಸಂದು
"ಸ್ವತಂತ್ರ ಭಾರತಕ್ಕೆ ನಿಜವಾದ ಸ್ವಾತಂತ್ರ್ಯ ದಕ್ಕಿದ ಅರ್ಥಪೂರ್ಣ ಸ್ವಾತಂತ್ರೋತ್ಸವ ದಿನವಿದು"
~ಎ.ಎಸ್ಕೆ

-

ಕೆಟ್ಟವರ ಕಣ್ಣಿಗೆ ಒಳ್ಳೆಯವರು ಎಂದೂ ಕೆಟ್ಟವರೆ.....!!!

-

ನಾವು ವಕೀಲರು

ವಕೀಲರು ನಾವು ವಕೀಲರು
ನ್ಯಾಯ ಕಾಪಾಡಲು ನಿಂತ ಸೈನಿಕರು
ಎಲ್ಲರು ಕಷ್ಟಕೆ ದೇವರ ಕೈಮುಗಿವರು
ನ್ಯಾಯದ ಪ್ರಶ್ನೆಗೆ ವಕೀಲರೆ ಅವರಿಗೆ ದೇವರು

ಸ್ನೇಹಿತರ ಬಳಗವೂ ಬದಿಗೊತ್ತು
ಕಕ್ಷೀದಾರರ ಪರವಾಗಿ ನಿಂತು
ವಕಾಲತ್ತು ವಹಿಸುವೆವು
ನ್ಯಾಯಕ್ಕಾ ಗಿ ಜೀವವೂ ಪಣಕಿಟ್ಟು

ಅಲ್ಲಲ್ಲಿ ನಮಗೆ ಹಲ್ಲೆಗಳಾದರೂ
ಬೆದರಿಕೆಗಳಾದರೂ, ಕೊಲೆಗಳಾದರೂ,
ಕಾಯಕವೆ ಕೈಲಾಸವೆಂದು
ನ್ಯಾಯಕಾಗಿ ಮತ್ತೆ ಎದ್ದು ನಿಲ್ಲುವೆವು

ಸಂವಿಧಾನದ ಆಶಯಗಳ ರಕ್ಷಣೆಗೆ
ಸದಾ ಮುನ್ನುಗ್ಗುವೆವು
ನ್ಯಾಯ, ಅನ್ಯಾಯ ಯುದ್ದದಲಿ ನ್ಯಾಯವ ಗೆಲ್ಲಿಸುವೆವು
ಅವರವರ ಹಕ್ಕುಗಳನು ಅವರಿಗೆ ದಕ್ಕಿಸುವೆವು
ಅವರವರ ಹಕ್ಕುಗಳನು ಅವರಿಗೆ ದಕ್ಕಿಸುವೆವು

-

ಕನಸನ್ನು ಬರಿ ಖಿಸೆಯಲ್ಲಿರಿಸಿಕೊಂಡರೆ ಏನಾದೀತು........‽‽‽

-

'ಟೀನೇಜಲಿ'
--------------------
ಕಣ್ಣಲ್ಲಿ ಆಗೋ ಕನೆಕ್ಷನ್ನಿಗೆ
ಸಾವಿರಾರು ಫೀಲಿಂಗಳು
ಇವಕೆಲ್ಲ ಹೊಲಿಗೆ ಹಾಕಿ ಪೋಣಿಸೊ
ಹಾರ್ಟೆಂಬ ಡಾಕ್ಟರು.....

-

ಆಗಸವೆ ನೀನಾಗಿರುವಾಗ
ನಿನ್ನ ನೋಡದಿರಲು ಇನ್ನು ನನಗೆ ಮುನಿಸೆಲ್ಲಿ

-