ದೊಡ್ಡ ದೊಡ್ಡ ಕಷ್ಟಗಳ ತಂದೊಡ್ಡುವ ಕಾಲವಿದು, ಇನ್ನೂ ದೊಡ್ಡ ದೊಡ್ಡ ಸಂತೋಷಗಳನ್ನು ಅರಸುತ್ತಾ ಹೊರಟರೆ ಏನು ಗತಿ? ನಾನು ಮೊದಲೇ ಸಣ್ಣ ಸಣ್ಣ ಕನಸುಗಳನ್ನ ದೊಡ್ಡದಾಗಿ ಬೆಳೆಸಿಕೊಂಡು ಬಂದವಳು ಈ ಸಣ್ಣ ಸಣ್ಣ ಕನುಸಗಳ ಫಲಿತಾಂಶ ನನಗಿಂತ ಚನ್ನಾಗಿ ಯಾರು ಕಂಡುಕೊಳ್ಳಲಿಕ್ಕೆ ಸಾಧ್ಯ..??
ಒಂದು ಹೊತ್ತಿನ ಊಟಕ್ಕೂ ಪರದಾಡುವ ಜನ ಒಂದು ಕಡೆಯಾದ್ರೆ ಮೂರು ಹೊತ್ತು ತಿಂದು ದೇಹವನ್ನ ಕರಗಿಸಿಕೊಳ್ಳಿಕೆ ಕಸರತ್ತು ಮಾಡುವ ಜನ ಇನ್ನೊಂದು ಕಡೆ, ಯಾರು ಒಳ್ಳೆಯವರು ಯಾರು ಕೆಟ್ಟವರು ಅರ್ಥಮಾಡಿಕೊಳ್ಳೋಕೆ ಆಗದಿರೋವಷ್ಟು ಕಲಬೆರಕೆ ಜೀವನ ಇನ್ನೆಲ್ಲಿ ಸುಖ ಸಂತೋಷದ ಎಣಿಕೆ ದೇವರೇ..?
ಒಳ್ಳೆಯವರಿಗೆ ಕೆಟ್ಟದ್ದನ್ನು ಮಾಡಿ ಕೆಟ್ಟವರಿಗೆ ಒಳ್ಳೆಯದನ್ನಾ ಮಾಡುವ, ಹಾಗೆ ಒಳ್ಳೆಯವರನ್ನು ಬೇಗ ಕರೆದುಕೊಂಡು ನಮ್ಮಂಥವರನ್ನಾ ಅನುಭವಿಸಿ ಎಂದು ಇಲ್ಲಿಯೇ ಬಿಟ್ಟು ಒಂದನ್ನ ಕೊಟ್ಟು ಇನ್ನೊಂದನ್ನು ಕಿತ್ತುಕೊಳ್ಳುವ ದೇವರ ನಿರ್ಣಯಗಳು ಎಷ್ಟರ ಮಟ್ಟಿಗೆ ಸರಿಯೋ ನಾನರಿಯೆ..!!
-