నేనంటే నా బ్యాంక్ కి
ఎంతటి అభిమానం!
నా మూడంకెల బ్యాలన్స్ కి
నాలుగంకెల PINని కాపలా పెట్టింది

-

రెండు దేహాల ఆలింగనం
రెండు ఆత్మల అద్వైతం
రెండు అహాల అసంతృప్తి

-

కొనుక్కున్న ఆ కొత్త డైరీపై
తన ఎదను ఎందుకో రాసిపెట్టింది
కన్నీటి వర్షాన, ప్రతి పేజి
ఓ రహస్య పడవై మునిగిపోయింది

-

నిన్నటికై బాధెందుకు?
రేపటికై భయమెందుకు?
నేటిని నింపగ ధైర్యంతో!

-

జీవితం అనే ఆటలో కేవలం
సమస్యను ఆపే గోల్ కీపర్ లా కాదు
సొల్యూషన్ పట్టే వికెట్ కీపర్ లా ఉండాలి

-

కోటి కలలు అలా...
అనుభవాలు ఇలా...

-

జీవితం అలానే వుంటుంది
ఇంకో నచ్చింది జరగాలని
మరో మెచ్చింది దొరకాలని
వేరొక లిస్ట్ తో వస్తుంది మనసు

-

మనం వేసిన అడుగుల గురుతులు
మనం పలికిన పలుకుల ప్రతిధ్వనులు
మన ఆలోచనల అవశేషాలు
ఆవేశాల ఆక్రోషాలే అసలైన
మన వారసత్వం
మరణానంతరం

-

దూషించినందుకే
చావుతో దండించడానికి
రాముడు దేవుడు
మనిషిలా మూర్ఖుడు కాదు సుమా?
దయుంచి మతాన్ని, మరణాన్ని
మిలితం చేయకు మిత్రమా

-

ఎక్కడ స్వేదం
అక్కడే దైవం

-