Anjaan inn raaston pe,
Saath tumhara ho ya nhi...
Sitaaron bhari chadar k tale,
Raat tumhari ho ya nhi...
Khamosh dil k kone mein,
Kahi ko tum ho ya nhi...
Kuch nischit nhi hone par bhi,
Zikr tumhara ho ya nhi...

Mann hi mann ki lehron ne lekin,
Tum hi ko sahara mana hain!
Tumse door jaane ki har ek doori ne,
Tum hi se dor baandha hain!

-

Tumhare tat par jaane,
Kitna sukoon hota hoga!
Maine aksar parindo ko,
Wahi ghar basate dekha hain!

-

Kaun si safar tae kar k,
Kaun se raastein chal rahe hain.
Unn mein kho ne k wajaye,
Unhe hi kho rahe hain!

-

Tumhare irdh girdh hona,
Jaise mano shunya se uthkar,
Kahi ko jakar pohochna.
Kahi jahan sukoon ki talash nhi,
Kyuki sukoon k alawa kuch aur nhi.

Mann k ghaav,
Bhar jaate hain tumse milkar.
Tum baatein yuhi karte raho,
Bahaane yuhi banate raho,
Mujhe pasand hain!

-

Tonight, let me write to the stars.
Let me say them, they form shapes
that are spaces where I keep you safe.
Such spaces are comforting.
They convey truth, they convey lie
and they convey voices of a heart
that fears to speak
yet loves to dream.

-

Palkon k saaye kahi ja kar,
Yeh raat agar ruk jaaye,
Tum bhool kar saare dar apne,
Sang sapno k udna chahoge kya?

Bediyaan bhi beyasar lagne lagegi,
Viswaas ka dhaaga baandh kar,
Tum aankhein apni moond kar,
Khwaab dekhna chahoge kya?

Bhaagdaur ya thoda sa sukoon,
Kiski talash tum karte ho,
Aur kiski talash zaruri hain,
Ye fark samajhna chahoge kya?

Hawayein tez hain dekho zara,
Kahi jaake kastiyaan takra jaaye,
Aur lautne ke raste bikhar jaaye,
Tum aisi safar pe jana chahoge kya?

-

Mano mutthi mein ek sitara hain.
Mujhe dar hain,
K mutthi kholne se,
Kahi yeh tara kho na jaaye!
Sard raaton mein tumhara aana,
Kisi sitare k tootne se kam nhi.
Aur tum kehte ho mujhe,
"K tum mutthi nhi khologi,
Toh kaise dekh paogi,
Tumhare liye poora ka poora,
Aasman samet kar rakha gaya hain."

-

Ajeeb si duvidha hain,
Dekho, ab jo hain so hain,
Tumhari shikaayatein na jaane kyun,
Tum hi se karte aayein hain.

-

Guzarti hain shaamein aksar,
Tumhare intezaar mein.
Baadalon ko bhi aajkal,
Tum pasand aane lage ho!

-

Tum baatein karke, phir kehte rahe,
K baaton mein koi baat nhi.
Main gehre samundar ko niharte huye,
Samajhti rahi, k tumse ab prem nhi.

-