Jab ye duniya so jaaya karti hai,
Tabhi mere khwab sulagtey hain!

Jab ye duniya khaamosh hai,
Tabhi mere khayal sajtey hain!

Ye raatein badi haseen aur azeez hain!
Hum to subah ke ujaalo se dartey hain!

-

Muskuraahat to sirf ek mukhaauta hai, jo hat ta nahi is chehre se.
Kabhi dil be-parda karke dekha hai?
Un sab unkahe lafzo ko awaaz miljaegi.
Un sab dabe huye ehsaaso ko udaan miljaegi!
Qki ye chehra to duniya ke liye hai.
Rooh me jhaaank ke dekho, asal maayino me, 'Saher' mil jaegi ! :)

-

......Tum ab ana mat.....

Aj bhi sochke soye, ki shayad sukoon miley.
Meethe khwabo min, koi naya junoon miley.
Pata nahi kyu fir wahi hua jo naamanzoor tha.
Dil ke paas toh sahi, par aankho se bhot door tha.
Toh Mene socha tumse puch lu kuch sawaal.
Waqt kaafi tha kyuki neend to thi farar...

.............Continued in caption

-

Insaan kitna achcha hai, ye jaanne ke liye, usey marna padta hai!

-

Tanha to sab hi hain iss veeraan duniya mein..
Buss koi apno me apnapan dhund raha hai aur koi gaairo me..

-

My tribute to an Artist I loved!

In the caption...... 💔

-

Tumhare kisse ka sirf hissa banna chahta hu, esa hissa, jo chota hi sahi, chand lamhe hi sahi yaadgaar to rahe.

Jo tumse alag bhi hojaaye agar, door bhi chala jaaye agar, uska didaar toh rahe.

Doori kitni hi aajae darmiyaan, par pyaar to rahe, be-intehaan aitbaar to rahe.

Tumhare kisse ka hissa banna chahta hu bus.
Ya fir...hisse me ek chota sa kissa banna chahta hu... shayad!

-

Aadatein chhodi jaati hain, log nahi.
Jab waqt aaye to aadato ko badlo, logo ko nahi.
Qki aadat to yu hi badal aur lag jaati hai kisi bhi cheez ki.
Par logo jab jaatey hain aadaton ki wajah se, to unki yaad hi buri aadat ban jaati hai.
Jo Na bhulaai ja sakey, aur na badli jaa sakey.

-

Ae halaat Zara sambhal kar bhidna humse,
Tootkar joodney ki himmat nahi dobara.

Ae dhadkan, yu raftar se na bhaago ese.
Ladkhada ke jab girta hai ye dil, uthaane ki taakat nahi ab dobara..

-

Yu haatho ae haath takraaye the jab chaltey chaltey, toh kaha tha tumne, ki shayad.. ye aakhiri hai.
Humne kaha..arey, abhi ye saath, ye raahe aur bhi baaki Hain..

Jab un nigaahon me ashq bharke bola tha tumne, ki shayad...ye aakhiri hai..
Humne kaha q pareshan ho tum? abhi ye didaar aur bhi baaki Hain..

Jab zulfon ko yu nihaarte huye haath feraya tha tumne, to kaha tha... shaayad ye aakhiri hai..
Humne kaha, q pareshan ho tum, arey ye ehsaas to aur bhi baaki Hain..

Jab ese paas kheench Kar galey se lagaya tha tumne, to ese kaha tha door mat jao, qki shaayad...ye aakhiri hai...
Humne kaha, yu bad-gumaan na ho, ab jaane bhi do ye mulaakaat to aur bhi baaki Hain..

Aaj bhi un sab yaado ko baaho me bhar Kar, chal rahe Hain yu.
Firse,, tum sahi , aur hum galat..
haan..aj bhi tumhare un sab ehsaas, mulaakat, aur didaar ki wo fariyaad aakhiri hai..
Humne fir kaha khudse tanhaai me, ye to bus ghav Hain, Inka naasoor banna aaj bhi baaki hai!

-