நீ எவ்வளவு காயப்படுத்தினாலும்
காத்திருப்பதை மட்டுமே....
என் காதலாக கொண்டிருக்கிறேன்...!!❤️

-

புத்தகத்தின் நடுவே நான்
பாதுகாத்த மயிலிறகாய்...
அவ்வபோது நினைவுகளின்
இடையில் என்னை வருடி
செல்கிறது உன்னை பற்றிய
நினைவுகள்...!!

-

மனதில் ஊஞ்சலாட
தான் செய்கின்றது நினைவுகள்...
வருவதும் போவதுமாய்
இருக்கும் அந்த மனிதர்களால்...!!

-

உறவாக நாம் இல்லாத போதும்
என் வாழ்க்கையின் முழு
அன்பையும் உன்னிடம்
தந்துவிட்டு அவதியுறுகிறேன்‌...!

மறைவாக நாம் இருந்த போதும்
என் நினைவெல்லாம் மறக்காமல்
உன்னையே சுமக்கிறேன்...!
கனவாக கலைந்த வாழ்வை
மீண்டும் மீட்டெடுக்கவே
அலைகிறேன்...!

எனக்கு தெரியும் இது
கானல் நீரே...!
கண்ணீரில் கரைந்திடும்
என் கண்ணெதிரே...!
இருந்தும் என் பேராசைக்கு
தெரியவில்லை இது
நிராசை என்று...!!

-

தூளியில் தூங்கிடும் போது
பொம்மையாய் தெரிகிறாய்...!
கைகளில் ஆடிடும் போது
என் பிம்பமாய் தெரிகிறாய்...!
நீ என் தாயின் நகலா?
இல்லை...
அந்த தெய்வத்தின் சாயலா ?🤱
#மகள் #

-

அவன் வாங்கி
தந்த கொலுசில்...
அந்த மணியாக அவன்...!
ஒலியாக அவனின்
நினைவுகள்...!!❤️

-

அங்கு நீயும் நானும்
மட்டுமே இருந்தோம்...
இருந்தும் மூச்சு முட்டியது...
ஒருவேளை உன்னிடம்
சொல்ல நினைத்து...
என் தொண்டைகுழிக்குள்
சிக்கி கொண்ட
வார்த்தைகளால்
இருக்கலாம்...!!❤️

-

அதே இடத்தில்
என் இதழோரத்தில்
சிறு புன்னகை...
ஒருவேளை அங்கே
என்னுடன் நீ இருந்திருந்தால்
என நினைத்து கொண்டதால்...!!

-

வெளியில் சிரித்து
கொண்டிருக்கும்
அந்த மலருக்கு தெரியாது...
அதன் ஆயுட்காலம் இன்றோடு
முடிகிறது என்பது...
சொல்லாமல் நீ என்னை
விட்டு சென்ற போது
அந்த மலர் போல
தான் நானும்...!!

-

(உன்)அவளை எங்கே
தொலைத்தாய்
என்று உனக்கு தெரியுமா?👇

-