ଜହ୍ନ ବି ନୀରବ
ମୁଁ ବି ନୀରବ
ନୀରବତା ର ଦୂରତା
ଅଧିକ ଥିଲା ,
ହେଲେ ପରସ୍ପର କୁ
ଦେଖି ପାରୁଥିଲେ।

କିଛି ଅକୁହା କଥା
ତୁମେ ବୁଝି ପାରୁଥିଲ ,
ମୁଁ ବି ତୁମ ଜ୍ୟୋତ୍ସ୍ନାରେ
ନିଜକୁ ଭିଜେଇ ଦେଇ ,
ପୁଣି ସୁଖାଇ ଚାଲୁଥାଏ
ମୋ ସ୍ଵପ୍ନ ଗୁଡିକୁ ।

ଜହ୍ନ ବି ଆଜି
ଅଧିକ ସୁନ୍ଦର
ଅଧିକ ସ୍ପଷ୍ଟ
ଆଉ ଅନେକ ସୁନ୍ଦର
ଲାଗୁଥିଲା ,
ମୋ ଭାବନା ରାଜ୍ୟରେ ।

କାହିଁକି ନା
ସେ ଜହ୍ନ ଆଉ କିଛି ନୁହଁ,
ତୁମର ସେ ହସ ହସ ମୁହଁ ।

-

●●ବାପା●●
ପଇଡ଼ ଅଟଇ ବାପାଙ୍କ ହୃଦୟ
ଆଖିରେ ଆଖିଏ ରାଗ ,
ପରିଷ୍କାର ଅଟେ ଅନ୍ତର ତାଙ୍କର
ସ୍ନେହ ଥାଏ ଭରପୁର।
ମୁଦ୍ରା ଦୁଇ ପାର୍ଶ୍ଵ ପିତା, ମାତା ଆମ
ଜଣଙ୍କ ଠୁ ବଳି ଜଣେ ,
ମାଆ ଚାଲୁଥାଏ ଆଗରେ ଆମରି
ବାପା ଚାଲୁଥା'ନ୍ତି ପଛେ ।
ଆଗେ ଅଛି ବୋଲି ମାତା ସ୍ନେହ ଦିଶେ
ପିତୃ ସ୍ନେହ ଯାଏ ଲୁଚି,
ମେରୁଦଣ୍ଡ ସଦା ପଛେ ରହିଥାଏ
କାହାକୁ ଅଜଣା ଅଛି ।
କୋଳେଇ କାଖେଇ ମାଆ ଧରେ ସିନା
ବାପା ବୋହିଥା'ନ୍ତି ଘର ।
ଛୋଟ ଆମ ଆଖି ପାରେନାହିଁ ଦେଖି
ଉଜ୍ଜ୍ବଳତା ବାପାଙ୍କର 🙏।

-

ସଞ୍ଜ ନଇଁ ଗଲେ ମୋ ମନ ଭିତରେ
ଉଙ୍କି ମାରେ ତୁମେ ଛବି,
ମୋ ମନ ଆଖିର ଆଗେ ଆଗେ ତୁମ
ପ୍ରତିବିମ୍ବ ଥାଏ ବସି ।

-

क्या कहुं तुम्हारे आंखो के चमक के वारे में
हाय, मैं तो देख ही ना पाई ।
सोचती हूं,
की केसे खुद को सम्हाला है वो आईना
जो तुम हर रोज देखते हो 😍।

-

ଧରିଛି କଲମ ଲେଖିବି ବୋଲି ମୁଁ
ତୁମ ନାମେ ଉପନ୍ୟାସ,
ଲେଖିବା ଆଗରୁ ଏଇ କି ହେଲା ରେ
ପଡ଼ି ଗଲା ପୂର୍ଣ୍ଣଚ୍ଛେଦ ।
ଫିକା ବି ପଡିବ ତୁମରି ଆଗରେ
ପୁନେଇଁ ରାତିର ଜହ୍ନ,
ପାଣି ଭିତର ର ସୂର୍ଯ୍ୟ ଛାୟା ସମ
ଛଲସେ ତୁମର ମୁହଁ ।
ଯେତେ ବଖାଣିଲେ କି ଅବା ସରିବ
ରୂପ ଗୁଣ କୁ ତୁମର,
କଳା ଜାଇ ଟିଏ ଓଠରେ ରେ ତୁମର
ଦିଶ‌ଇ ଭାରି ସୁନ୍ଦର ।
ପ୍ରଶଂସା କରୁଛି ଆତ୍ମ ସମ୍ମାନ କୁ
ଭରି ଅଛି ତୁମ ଦେହେ ,
ଚରିତ୍ର ତୁମ୍ଭର ଭାରି ଭଲ ଅଟେ
ପାଇବ ଶହେରୁ ଶହେ ।
ଆଖି ଦୁଇ ତୁମ ଧନୁ ଆକୃତି ର
ବିନ୍ଧିଲ କି ଫୁଲ ଶର,
ଯେବେ ଠୁ ଦେଖିଲି ନୟନ ତୁମର
ନଜର ହଟୁନି ମୋର ।
ଲେଖିକା ନୁହେଁ ମୁଁ ତଥାପି ଲେଖିଛି
ତାଳ, ଛନ୍ଦ ଜଣା ନାହିଁ ,
ଭୁଲ୍ କୁ ଆଡେଇ ଭଲ କୁ ଦେଖ ହେ
ମନ ଉଣା କାହିଁ ପାଇଁ ?

-

ଶତ ଶତ ଆଜି ଦୀପାଳୀ ଆଗରେ
ହାରିଛି ଜହ୍ନ ତା କାୟା।
ସୂକ୍ଷ୍ମ ମାଟି ଦୀପ ଜ୍ୟୋତି ଆଗରେ
ଲିଭିଛି ଅମାର ଛାୟା।।

-

ନାରୀର ଶକତି ଯେବେ ହୋଇଯିବ
ରବି କିରଣ ଠୁ ବଳି,
ନର ରାକ୍ଷସେ ଯେ ପୂଜିବେ ନାରୀଙ୍କୁ
ଦୁଷ୍କର୍ମ ଯିବ ଓହରି।

-

-ଫେରିଆସ ଆଉଥରେ-

ଫେରିଆସ ଆଉଥରେ
ଛାଡ଼ି ରାଗ ଅଭିମାନ,
ତମ ପାଇଁ ଖୋଲା ସଦା
ହୃଦୟ ଦୁଆର ମୋର।

-

ଏକ ମୁହାଁ ହେଇ ରାଗ ଅଭିମାନେ
ତୁମେ ଚାଲିଗଲ କରି ପର ,
ପଦୁଟିଏ ଖାଲି କହି ଦେଇଥାନ୍ତ
ଭୁଲ୍ କୋଉଠି ରହିଲା ମୋର।

-

ନାବିକ ସାଜି ମୋ ପ୍ରେମର ଡଙ୍ଗାରେ
କାତ ତୁମେ ଧରିଥିଲ ,
ମଝି ଦରିଆରେ ଛାଡି ଚାଲିଗଲ
ଭୁଲ୍ ମୋତେ ବୁଝି ନେଲ।

-