Tum bahut kareeb ho yaar, is dil ke.
Kabhi socha nahi tha,
ki aj sa bhi hoga darmiyaan hmare
aur
fir bhi ye dil itne sukun se bas tere pas hi thehrega.
Bahut kareeb ho pagal tum, is dil ke. Bahut.

-

Koi to ho na jindagi me,
Jo in hothon ke kareeb ho,
ho kareeb is dil ke
aur
sunta bhi ho hamari.

Bas,
Shayad aur koi vajah nahi hai,
tanha logo ke
nashe me dhut rehne ki.

-

Kia behtar nahi, ki koi azeez
bhale dur hi rahe, par kayam rahe.

-

Ehsaas duriyon ka
bhala,
mehaz waqt aur zameen se kaise lagaye?
Ki na Jane kitne hi yahan,
hatho me rehte hath bhi
muddaton, tanha gujar gaye.

-

Waqt badal jata hai, halaat badal jate hain.
Chehre rehte hai vohi, par jazbat badal jate hain.

Hum nahi kehte ab, ki kabhi mil mujhse.
Samjhte hai hum
Ki fark ata hai jab ehsaas me to,
raaste apne ap badal jate hai.

-

Meri khamoshi ki vajah ye bhi hai
ki baare me unke, mere pas yado ke siwa aur kuch bhi nahi.
Ummidein, ab sari dum tod chuki hai
aur khwahisho pe sang unke, bina unki marzi
mera koi haq bhi to nahi.

-

Bas Ik shikayat hai, na jaane kisse.
Ki kyon nahi pasand hum tumhe,
jis tarah tum pasand hume aa gaye.

-

Jab ulajhte hai musalsal
dil aur dimag ik dusre se,
to aksar jindagi haar jati hai.

-

Mai bhul gyi Dena,
aur ab na milne pe, dard bhi hota hai.
Hoti hai shikayate, aur Dil me gussa bhi hota hai

-

Lehre kab rukti hai kinaro pe aakar,
rukna padta hai hume chune ko inhe.
Gujar jati hai ye kuch palo me
kinaro ko bhigo kar,
rukna padta hai hume jeene ko inhe.

-