ஒன்றைவிட மற்றொன்று நன்றெனினும் மாறாது
ஒன்றினைப் பற்றல் ஒழுக்கு.

-

காரிருள் நீங்கிட நல்லொளி ஓங்கவே
கார்த்திகை தீபமேற்றிக் காண்.

-

சூரன்மேல் ஆறுமுகன் வீரவேல் எய்யவே
ஆனான் மயில்சேவல் ஆய்.

-

முன்தொழுவோம் பிள்ளையாரை கைகூடும் என்பது
முன்னோர்கள் நம்பிக்கை யாம்.

-

திருஞான சம்பந்தர் சுந்தரர்நா வுக்கரசர்
மாணிக்க வாசகர்நால் வர்.

-

நல்லவர் கெட்டவர் என்பவர் இல்லையேசூழ்
காலமே காரணம் காண்.

-

மறுசாரம் கேளா தொருசாரம் பேசல்
நடுநிலை அற்ற செயல்.

-

பசித்துண்ண நல்லுணவு நல்கும் பயனோ
புசித்துண்ண பன்மடங்காம் பார்.

-

காலத்தால் என்றும் அழியா துடன்நிற்கும்
பாலினம் பாராநன் நட்பு.

-

கடுஞ்சினம் நல்லுறவைக் கொல்லுமே அஃதை
விடுத்தென்றும் அன்பின்பால் வாழ்.

-