લખાતું નથી...
રસ્તાઓ એવાં પણ છે જ્યાં જવાતું નથી,
ને પાછું એવુંય છે કે અહીં રહેવાતું પણ નથી,
ઘણું સાચું એવું પણ છે જે ચર્ચાતું નથી,
ને પાછું એવુંય છે કે બોલતું પણ નથી,
છે કથન એવું પણ જે સાંભળી શકાતું નથી,
ને પાછું એવુંય છે કે મૌન પળાતું પણ નથી,
લાખ પ્રયત્નો છતાં પણ એ ભુલાતું નથી,
ને પાછું એવુંય છે કે યાદ કરી શકાતું પણ નથી,
જાતને પણ એ કહેવાતું નથી,
ને પાછું એવુંય છે કે લખાતું પણ નથી.
- પૂજા બોઘરા
-