ಐದನೇ ತರಗತಿಯಲ್ಲಿ ಓದುತ್ತಿರುವಾಗ,
ನಿಮ್ಮ ಮನೆಯ ಅಂಗಳಕೆ ಬಂದು ಬುಗುರಿ
ಆಟ ಆಡುವ ಆಶೆಯ ನಿನ್ನಲ್ಲಿ ಹೇಳಿದಾಗ,
ನೀ ನಿಮ್ಮ ಹಿತ್ತಲಲ್ಲಿದ್ದ ಬುಗುರಿ ಮರದ ಕೆಳಗೆ
ಕುಳಿತುಕೊಳ್ಳಲು ಮಣೆಯನ್ನಿಟ್ಟು ನನ್ನ ಕಣ್ಣಲ್ಲಿ
ನಿನ್ನ ದ್ರಷ್ಟಿಯ ಮೇಳೈಸಿದಾಗ ಚಿಗುರೊಡೆದ
ಪ್ರೀತಿಯಲ್ಲಿ ಯಾವತ್ತೂ ಇಳಿಮುಖ ಕಂಡಿರಲಿಲ್ಲ.
ಇಬ್ಬರೂ ಒಂದೆಡೆ ನಿಂತು, ಮಾತನಾಡದ,
ನೋಡದ ದಿನಗಳಿರುತ್ತಿರಲಿಲ್ಲ, ಪರಸ್ಪರರು ಯಾವತ್ತೂ ನಿಂದಿಸಿ,
ದೂಷಿಸಿ ಮಾತಾಡಿದವರಲ್ಲ,
ಎಲ್ಲವನ್ನೂ ಮನಬಿಚ್ಚಿ ಮಾತನಾಡುತ್ತಿದೆವು.
ಅಂತಹದರಲಿ, ಹದಿನೈದು ವರ್ಷಗಳ ನಂತರ
ನಿನ್ನ ಜೀವನ ಸಂಗತಿಯನ್ನಾಗಿ ಮತ್ತೊಬ್ಬಳನ್ನು
ಆರಿಸಿ, ಆಮಂತ್ರಣ ಪತ್ರಿಕೆಯನ್ನು ನನ್ನ ಕೈಗೆ ಇತ್ತು
ನಾನು ಮದುವೆಯಾಗುತ್ತೇನೆ ಎಂದು ಹೇಳುವುದನ್ನು
ಕೇಳಿ ಆಶ್ಚರ್ಯವಾಯಿತು. ನಾನು ಬಯಸಿದ್ದು
ಒಂದಾದರೆ ಭುವಿಯು ಬಗೆದಿರುವುದು ಮತ್ತೊಂದು.
ಆದ್ದರಿಂದ ಒಪ್ಪಲೇಬೇಕು.
-