પોતાની વાસ્તવિક્તા સ્વીકારવીમાં આનાકાની શાની
જુદી જ છે જમીન જ્યારે તો આકાશને આંબાવામાં સ્પર્ધા શાની

-

આજે પણ વ્યાકરણમાં ભૂલ કરી જાવ છું
અલ્પવિરામ ને પૂર્ણવિરામ વચ્ચેનો ભેદ ભૂલી જાવ છું.

-

કદાચ સમયનો બીજો પર્યાય વિરોધાભાસ છે
મારું આકાશ સીમીત પણ પાંખો વિશાળ છે.

-

મહેક મેં હંમેશા અનુભવી બાગમાં
પણ ના આવ્યું એ મનપસંદ ફૂલ મારા ભાગમાં

-

એની કલ્પનાઓને મેં શું વાસ્તવિક્તા માની લીધી
મારી ઘણી ખરી વાસ્તવિકતા કલ્પના બની ગઈ.

-

ગજબ સંયોગ છે નિયતિનો
રાહમાં છૂટેલા રાહગીર મળી ગયા
જયારે તસ્વીરની જંખના પણ છોડી દીધી
ત્યારે દર્શન તમારા થઈ ગયા

-

કે લોકો મોહી જતા હશે
સફેદ સંગેમરમરના પથ્થર જોઈ
મારું મન તો મોહી ગયું છે
જ્યારથી મે તને ઝુમકા પહેરતી જોઈ

-

ડહાપણ ના આવી પણ ડહાપણદાઢ આવી
બવ સમજાવયું હૃદયને છતાંય તારી યાદ આવી

-

હું શા ને કરું તારી સુંદરતાની સરખામણી
ફૂલ ,પતંગિયા, ઉપવન કે ચાંદ સાથે
જયારે નશો ચડ્યો છે તારી સાદગીનો મારી માથે

-

હજી જીત્યાનો આનંદ હું માણું
ત્યાંતો કોઈ નવી સ્પર્ધાની શરૂઆત હું છું જાણું

-