धावणारी एक वाट थकत कशी नाही
पोहोचते मुक्कामी चुकत कशी नाही
दाविते किती पांथस्थाना योग्य ती दिशा
तिच्या अंतरीची वेदना विकत कशी नाही
किती गर्विष्ठ,अहंकारी माणसांची पायवाट
पण मुजोरपणा जरा ही शिकत कशी नाही
रोज होते हजारोंची सखी सोबती ती
पण मी मी पणा जराही घोकत कशी नाही
कमाल वाटत असेल तिलाही शंकाच नाही
कि माणसात माणूसकी टिकत कशी नाही
माणसांची हिरवळ दिवसरात्र दिसते वाटेवरी
सदाही ती बहरलेली सुकत कशी नाही
श्रीपद्मा
-