समझणा मुस्किल होवै, दिल के जज़्बाता न

छोड़ जावै है लोग, देख क हालाता न


प्यार म दिख्या करै, चांदणा भी अंधेरी राता म

जद देखा गौर त, प्यार आली लकीर ए ना थी मेरै हाथा म

-

रै दर्द त दर्द मिलाणा
प्यार न नफरत बताणा
टूटे दिल न समझाणा
इसमै सच्चे आशिक रोया करै

जन्मा तक साथ निभाणा
हाथा म किस्मत दिखाणा
दिल त दिल मिलाणा
अर इसे प्यार किस्मत आळे टोया करै

-

उसते मिलन का भी दिल म चाह होया करदा
किते जाना हो उसके शहर का राह होया करदा

मोहब्बत के दरवाजे प उसका पाह होया करदा
रै Pgl की हर सांस म उसका नाह होया करदा

-

उसतै मिलन का भी अलग ए चाह होया करदा
हरदम इस जुबान पै उसका ए नाम होया करदा

उसके शहर म Pgl न रोज ए काम होया करदा
उसतै पहला Pgl के होंठा प जाम होया करदा

-

तेरी जुदाई मेरै दिल पै न्यू घाव करै है
जणू बळते कोयला पै कोय हाथ धरै है

भर लेंदा मैं भी इन आंख्या म पाणी
पर ये आंसू पोछणिया कई कोस परै है

-

बोली प्यार होगा तेरै त
मखा Darling प्यार ना करा करते

बोली बाबा भली करैगा
मखा Darling पत्थर आवाज ना सुना करते

-

याद आगी तेरी लगाते हाण पाणी
तेरे प्यार म कुछ ना आणा जाणी

छोड़ एकला बणगी किसै की राणी
बस धोखे त भरी मेरी या कहाणी

-

भूले बैठे थे लोग हामने, आज बेरा न कुणसा ए काम होगा

अर मोहब्बत त बेदखल के होया, न्याणी उम्र म ए बदनाम होगा

-

रै या जिंदगी गयी मेरी, बा बैरण के खोवैगी
आज मेरी थी, काल किसे और की होवैगी

रोना लिखा Pgl कै, बा बैरण क्यूं रोवैगी
जिंदगी भर का गम दे क, चैन त सोवैगी

-

मोहब्बत करी मने भी, पर उस खातर यो खेल था
बस किस्मत भरोसे बैठा यार, तेरा मेरा के मेल था

प्यार उसने भी करा, उसका प्यार किसे और गेल था
मेहंदी म नाम मेरा, पर बियाह किसे और ए गेल था

-