ਤੇਰੀ ਹਾਜ਼ਰ ਜਵਾਬੀ, ਤੇਰੀ ਸ਼ਾਇਰੀ ਖ਼ਿਤਾਬੀ,
ਪੜ੍ਹੀ ਜਿਸਨੇ ਰੂਹ ਇਹ ਮੇਰੀ ਕਿਤਾਬੀ।
ਕੋਈ ਬਣਿਆ ਨੀ ਹੋਣਾ, ਤੇਰੀ ਰੂਹ ਤੋਂ ਸੋਹਣਾ,
ਕੀਤੀ ਹੋਉ ਰੱਬ ਨੇ ਕੋਸ਼ਿਸ਼ ਬੇਹਿਸਾਬੀ।
ਤੂੰ ਚੰਨ ਦਾ ਏਂ ਟੁਕੜਾ, ਕੀ ਸੋਹਣਾ ਇਹ ਮੁਖੜਾ,
ਤੇਰੇ ਸਾਹਵੇਂ ਕੀ ਨੇ ਮਹਿਖ਼ਾਨੇ ਸ਼ਰਾਬੀ।
ਤੂੰ ਰੱਬ ਦੀ ਏਂ ਮੂਰਤ, ਬਸ ਤੇਰੀ ਜ਼ਰੂਰਤ,
ਕੀ ਕਰਨੇ ਮੈਂ ਦੁਨੀਆਂ ਦੇ ਚਿਹਰੇ ਨਕਾਬੀ।
ਤੇਰੀ ਰੂਹ ਨੇ ਮਾਪੀ, ਹੈ ਜੂਹ ਮੇਰੇ ਦਿਲ ਦੀ,
ਮਿਲੀ ਤੈਨੂੰ ਮਿਲ ਕੇ ਹਰ ਗ਼ਮ ਤੋਂ ਆਜ਼ਾਦੀ।
ਜਿੰਦਗੀ ਹੋਵੇ ਜੰਨਤ, ਬਸ ਇਹੋ ਏ ਮੰਨਤ,
ਤੇਰੇ ਕਦਮਾਂ ਚ ਹੋਵੇ ਤੇਰੀ ਕਾਮਯਾਬੀ।
-