காண்பவை எல்லாம்...
காணாமல் போகிறது...
கண்ணெதிரில் நீ தோன்றிய கணத்தில்!...

-

I am shouting like an idiot, without realising you already took my heart far away...!

-

தூக்கத்திலிருந்து கண்விழிக்கும்...
களைப்புற்ற கதிரவனின் வெளிச்சத்தில்...
படிக்காத புத்தகத்தின்...
பரவசமான வாசத்துடன்...
தூரத்து சேவலின்...
துடிப்பான இசையுடன்...
இதைவிட அழகாகுமா என்ற...
இடைவிடாத வினாக்களுடன்...
இப்படியொரு காலை...

-

தினம் உனக்காகக் காத்திருக்கும்...
என் தீராத நேரங்கள்...
திருந்தாத இந்த இதயத்தை...
வருந்தாமல் இருக்கச் சொல்கிறது!...

-

ஓராயிரம் மணித்துளிகள்...
ஓயாமல் உனைக் கண்டும்...
ஒரு நிமிடம் நீ கண் மறைய...
ஒரு வருடம் தொலைந்தது போல...
ஒரு நொடியில் துவண்டு போகிறேன்!...

-

எதுவும் இல்லை...
என தினம் நான்...
ஏராளமான காரணம் சொல்லி வைத்தும்...
ஏனோ உன்னைப் பார்க்கையில்...
எல்லாம் கேட்கிறது...
என் இதயத்தின் ஓசை!...

-

உன்னை எதிர்பார்த்து...
உறங்காமல் காத்திருந்த...
என் முடியாத இரவுகள்...
எதிர்பாராத நாளில் கிடைத்த...
எதேச்சையான உன் வரவால்...
அனலில் வருந்திய என் உலகம்...
புனலில் பூத்திட்ட மலராய் மிளிர்கிறது...

#மழையில்_நான்_ மழலை

-

பார்க்கும் திசையெங்கும்...
பாவை உன்முகமே தெரிய...
பாவி எந்தன் தினசரி...
பாதைகளும் மறந்தே போகிறது!...

-

தீராத என் தேடலில்...
நான்...
காணாத காதல் நீ...
மாறாத என் பாதையில்...
போகாத பயணம் நீ...
குறையாத என் ஆசையில்...
மறையாத பொருள் நீ...

-

வார்த்தைகள் மழையாய் பொழிந்தும்...
வாய் திறவாமல் நிற்கிறேன்...
கண் பார்த்த நிமிடம் நீ...
கதை சொல்லி என்...
கவிதைகளை எல்லாம்...
களவாடி செல்வதால்....

-