உன் நிலையிலிருந்து‌ பிறரை
யோசிக்க சொல்வது...
ஓர்‌‌ எருமையை‌ புத்தராக்க முயல்வது

-

என்னை ‌பற்றிய‌ புரிதல்
எனக்கே போதுமானதாய்
இல்லாத பட்சத்தில்
பிறரின் புரிதலில் மட்டும்
நானென்ன
பிழைத்தாயிருப்பேன்...!

-

தீர்ந்து ‌போன‌ தூறல் திரும்பாமல்
காய்ந்து போன மலரில் மணம் ஏது?

-

கோவத்திற்கு பதில்,
இனம்‌புரியா அச்சம்
ஒன்று நிமிஷமாய்
நிழலாடி கடக்கிறது..
அம்மா தந்த தட்டில்
நரையில் கோர்த்த
சோற்று பருக்கையை
காணும் போது...

-

"கிட்டாதாயின் வெட்டென‌‌ மற"

மறத்து போகுமளவிற்கு
வெட்டுப்படாமலிருக்க...
ஔவை ஆற்றிய சூடி

-

உன்னால் உடைக்கப்பட்ட
கண்ணாடியாக நான் ...
ஒவ்வொரு துண்டுகளிலும்
முழு பிம்பங்கள் நீ தான்...
உடைவேன் என தெரிந்தும்
உடைத்த உன்னோடு இருந்தும்,
இன்னும் என்னை
கீறலிட்ட ரணங்கள் மட்டுமே
பரிசாக...

-

உறவிலே வேகுறதை விட ,
ஒரு கட்டு விறகில் வேகுறதே மேல்..

-

கண்டு கொள்ளாமல்
செல்லும் அவனுக்கும்,
காத்துக் கொண்டிருக்கும்
அவளுக்குமான
நேசத்தில்
நியூட்டனின்
மூன்றாம் விதியும்
தோற்று தான் போனதோ...

-

நீங்கள் வாசிக்காமல்
போன புத்தகமல்ல நான்...
நீங்கள் வாசிக்கத் தவறிய
சில பக்கங்கள் தான் நான்...

-

களத்தில் தான்
எதிரும்,புதிருமாய்
ஆட்டம் ‌முடிந்ததும்‌‌,
ராஜா என்ன,
சிப்பாய் என்ன
நீ என்ன,
நானென்ன...

-