ભુલ થઈ...
ભુલ છે મારી કે જિંદગી ને જીવી ન શક્યો,
સુખ દુખના સમયને સમજી ન શક્યો.
ભુલ થઈ મારી જીવન માણી ન શક્યો....
ફરિયાદોના વંટોળાથી બહાર આવી ન શક્યો,
બુલંદી જોઈ પણ પહેચાન બનાવી ન શક્યો.
ભુલ થઈ મારી જીવન માણી ન શક્યો....
સાચા સંબંધોની લાગણી ઓળખી ન શક્યો,
સોનું હતું કે પિત્તળ ચમકથી પારખી ન શક્યો.
ભુલ થઈ મારી જીવન માણી ન શક્યો....
ભાગ્યો પૈસા માટે ને સ્વાસ્થ્ય જાળવી ન શક્યો,
ભવ ખર્ચાયો ને ખુદનો ઉધ્ધાર કરી ન શકયો.
ભુલ થઈ મારી જીવન માણી ન શક્યો....
સંકટો પાર પાડયા પણ મદદગાર ન બની શક્યો,
તીજોરી ભરી પણ ભક્તિ ભાતું ભરી ન શક્યો.
ભુલ થઈ મારી જીવન માણી ન શક્યો....
-