ખબર નહિ રચાતી એ કલાકારી ક્યાં ગઈ?
ગુંથતો એ શબ્દોની અદાકારી ક્યાં ગઈ ?

તારા ગયા પછી બસ એટલી ખામી છે
હતી જે પાસે મારી એ સુખાકારી ક્યાં ગઈ?

- Badnam ( कृष्णार्पण)

-

.....

-

....

-

ગયા પછી ભૂલવા બાપુ અઘરું છે હો
અન્ય સાથે મુલવા બાપુ અઘરું છે હો

અઢળક પાપ કરવા ,દોષ માથે ઓઢવો
સામેથી કબુલવા બાપુ અઘરું છે હો

જાણે છે બધુ કે સામે કોણ કેવા છે
છતાં ઘા જીલવા બાપુ અઘરું છે હો

હદય ક્યાંય ખોલે નહિ બચી બચી હાલે
એના ચોપડા ખુલવા બાપુ અઘરું છે હો

આખી જિંદગી કમાઈ બાળકોને પરણાવે
બાપ થઈ પ્રસંગ ઉકેલવા બાપુ અઘરું છે હો

-

આખુ મહાભારત ખેલાયું તાસનાં લીધે
બીજું સભામાં બેઠેલી જીવતી લાશનાં લીધે

પ્રયત્ન કર્યો હતો સર્વેકોરથી સમાધાનનો
પછી તો ધમાસાણ થયું ખૂની પ્યાસનાં લીધે

કંઇક નરવીર,શુરા સોત હરાવ્યા અર્જુને
સાથ કૃષ્ણનો ને બીજું એના અભ્યાસના લીધે

નામથી ગુણ હોય તો હતો યુવરાજ સુયોધન
દુર્યોધન થયો છે એના સંસ્કાર નાશનાં લીધે

આ ઉપકાર ક્યારેય નહી ભુલાઈ મુનિશ્રી
બદનામ કહે ગીતા મળી ઋષિ વ્યાસનાં લીધે

-Badnam (कृष्णार्पण)

-

....

-

જિંદગીમાં એક જણ સાવ અલગ હોય
થતો એના સાથેનો લગાવ અલગ હોય

આપે અઢળક સિતમ ડગલે ને પગલે
પ્રેમીને પૂછો પ્રિતમના ઘાવ અલગ હોય

હોતું કશું નથી અમુકમાં કાઢી લેવાનું
છતાં જે ખાઈ એ ભાવ અલગ હોય

હરએક ઉતરે અહી પાડી દેવાની શરતે દોસ્ત
જિંદગીની રમતમાં ખેલાય એ દાવ અલગ હોય

મથે છે કેટલુંય કેહવાને લાગણીનો ધોધ
છૂટા પડતી વેળાએ ભરાવ અલગ હોય

માંગે છે કુદરત પાસે  બધા હાથ ફેલાવી બદનામ
ફર્ક છે એટલો માણસે માણસે રાવ અલગ હોય

-Badnam (कृष्णार्पण)

-

મન ભરી  તસવીર એમને જોવા દયો
માંગે છે આંખ રોવા તો થોડુક રોવા દયો

કર્યા છે પાપ અઢળક સ્વાર્થમાં અમે
ગંગામાં ડૂબકી મારી મને ધોવા દયો

અફસોસ થશે તને કોકને ગુમાવવાનો
તમારોય નજીકનો સંબંધ ખોવા દયો

-

અન્યાય બહુ વધશે તો ખોટું થઈ જશે
સત્ય દબાશે તો જૂઠ બહુ મોટું થઈ જશે

ગજબની ઓફર છે પક્ષ પલટુ નેતાઓ માટે
જોડાવ અમારી સાથે તો પાપ પર પોતું થઈ જશે

મરી જાય ગરીબ તો ક્યાં કોઈ પૂછે છે?
તવંગરની પીડામાં ગામ આખું રોતું થઈ જશે

તું ભિખારીને લોટરી લગાડી દે ઈશ્વર
પછી જો આખું ગામ પગ ધોતું થઈ જશે

ના છેડો એને જે મૌનને સાથે રાખીને રહે છે
એ કંઇ બોલશે તો હતુ નોતું થઈ જશે

બદનામ સ્વાભિમાન જેવું કંઇક હોવું જોઈએ
ચિઠ્ઠીના ચાકર બની ઘણા મહોતું થઈ જશે

- Badnam (कृष्णार्पण)

-

બધા છે પોતાના કેર કરો એટલી વાર લાગે
કોઈ નથી કામનું ગૈર કરો એટલી વાર લાગે

માંગો તો મોત મળી જાય પળમાં દોસ્ત
જરાક અમથું વેર કરો એટલી વાર લાગે

મસ્ત છે જિંદગી જો માણતા આવડે તો
મજા આવી જાય લેર કરો એટલી વાર લાગે

નકાર નો છેદ ઉડી બધે મળશે હકારાત્મતા
થોડોક દષ્ટિકોણ ફેર કરો એટલી વાર લાગે

બધી સમસ્યા એ પોતાના ખંભે લઈ લે બદનામ
વાત ખાલી મિત્રને શેર કરો એટલી વાર લાગે

- Badnam ( कृष्णार्पण)

-