నలిగిన తాను, నలగని
నోట్లను చూసి మురిసిపోతోంది. !

-

విడిచిన బట్టల మధ్య
విడిపించుకోలేని ఆత్మాభిమానం
ఉక్కిరిబిక్కిరవుతోంది

-

కాళ్ళ మధ్యన జాలువారనిదే జల్లులు
కంచంలో నిలవని మెతుకులు
కనికరమెరుగని కన్నీటి తలుపులు...!

-

నా ప్రేమను నీకి తెలుపాలని
పువ్వుల కోసం వెతికాను
కన్నీటితో కళకళలాడుతున్న
కొలనులు ఉన్నాయి గానీ
అందులో పువ్వులు లేవు

బహుశా యుద్ధంలో
అమరులైన జవాన్లను
చూసేకి వెళ్ళినాయి కాబోలు

-

వెలివేశాను నిదురను
తప్పు చేసింది విరహమైతే..!

-

మళ్ళీ జన్మించాలని ఉంది ఆమెకై
కలగా అయినా
కన్నీళ్ళగా అయినా

-

కన్నీటి దీపాలను వెలిగిస్తున్నా
గతపు చీకట్లను పారద్రోలతాయేమోనని..!

-

కన్నీటి కంబళి కప్పుకున్నా
జ్ఞాపకాల గాలులు వీస్తుంటే...!

-

ఏకాంతపు ఏటి ఒడ్డున ఎదురుచూస్తున్నా
ఎటో వెళ్లిన నువ్వు దారి తప్పయినా నా వైపు వస్తావేమోనని

-

అలుపెరుగని అన్వేషణే
నాలో దాగిన నీకై...!

-