கிடத்தி விடாதீர்கள் பாய் போல வீணே
கடத்தி செல்லுங்கள் காலமாக
உடன் பயணிக்கும் உங்களுக்காய்
உத்வேகம் தரும் உங்களுக்கு
உயர்த்திடும் உங்களை கோபுரமாய்
உவகை கொள்ள செய்யும்
உங்களை நினைத்து நீங்களே

-

கோடைக்கு கொடையாய்
கொண்டவள் இவள்
கொண்டை கலைத்த கூந்தல்
கொஞ்சம் கொடியாய் அசைய
கொஞ்சும் குற்றாலமாய்
கோடை மழையாய் தெளித்து
குதூகலிக்க செய்யுது
கூந்தல் விடுத்த அமுத துளிகள்

-

சுட்டுவிரல் உரசலில்
சுள்ளியாக மனம் எரிய
கட்டு விறகாய் காத்திருக்கு
காதலும் எரிந்து
கருப்பு வானவில்லாய்
அண்டமெங்கும் நீண்டிட

-

அக்கினி குஞ்சொன்று கண்டேன்
அவள் இதழ்களில் அதனை
நானும் சுவைத்தேன்.
வெந்து தணிந்தது மோகம்
அதன் பின்னர் நிறைந்தது
மனதெங்கும் காதலின் வேகம்.
தீண்டாத இடமில்லை காணீர்
மனம் எங்குமே இன்னும்
தீண்டவில்லை காணீர்.
தேகம் சுருங்கியே நோக
மன காதல் இன்னும்
விரிந்தே பெருக.
நெருக்கம் நிறைந்தது கண்டேன்
அது நரைத்த என் காதலின்
வண்ணமென்று உணர்ந்தேன்.

-

புரட்சி செய்து முடிகிறது இந்த மெழுகுவர்த்தி
பல வரலாற்று நாயகர் போல
இருளை வீழ்த்தி

-

நெடுஞ்சாலை போல
என்னுடன் பயணிக்கின்றன
நான் தான் சமயங்களில்
அதை ரசிக்காமல் மன அறையில்
ஓய்வெடுக்கிறேன்

-

காதலிக்க சொல்கிறார்கள்
காதல் என்றால் நேர்மை தானே
இதில் தவறாமை என்பது என்ன

-

வானவில் கோலமிட
நட்சத்திர புள்ளி வைத்தாள்
என்னவள்
விடியலில் அவள் விரல்
வண்ணமெல்லாம்
வானவில் வளைவாக
என்னவள் வண்ணவள்

-

கனவுகளின் அருகாமை
கொஞ்சம் ஆசையாய் கேட்கிறது
உன்னுடனான அருகாமையை

-

தனிமை கடலில் தத்தளிக்கும்
கலனாக என்னுள்ளம்
வழியாக காதல் ஒளி சுமக்கும்
என்னவள் காதல் கலங்கரைவிளக்கம்

-