எவரையும் தூரவைத்தே

அழகு பாருங்கள்

நெருங்கி போனாலோ

அல்லது

நெருங்கி வந்தாலோ

நொறுங்கி போவது

உங்கள் இதயமாகவே

இருக்கும் என்பதை

மறந்து விடாதீர்கள்......

-

என் மனதின் வடுக்களில்

உன் வார்த்தைகள்

கொண்டிடும் களிம்பை

அளவுகடந்த அன்பினை

கொண்டு பூர்த்தி செய்

அப்போது தான் சரியாகும்

வேண்டுமென்றால்

முத்தமிட்டபடி உமிழ்நீரிலும்

அவ்வப்போது

சரி செய்யலாம் தவறில்லை....

-

தன் பத்து வயதில்

பெற்றவர்களை பறிகொடுத்து

அக்காவின் அரவணைப்பில்

இருந்தாலும் உழைத்தால் தான்

சோறு என்ற மாமாவின்

கண்டிப்பில் வளர்ந்து தன்

அக்காவின் பிள்ளைகளுக்குக்கென

தன் உழைப்பை கொட்டி கொடுத்து

பல்வேறு வேலைகள் செய்து

அடிபட்டு செத்துபிழைத்து

இன்று நோயோடு போராடி

மருந்துக்கு கூட காசில்லாமல்

உறவுகள் அனைத்தும் தூக்கி

எறிந்தாலும் எவரையும்

பொருட்படுத்தாமல்

வாழும் என் அப்பாவை போல்

உழைத்த மனிதரை கண்டதில்லை

நான் கண்கலங்கி நின்றபடி....

-

உனக்கும் எனக்குமான

இடைவெளிகள்

விழிகளை பொருத்தமட்டில்

கொஞ்சம் தூரம் தான்

மனதில் அப்படியொன்றும்

தோன்றாமல் இருப்பதே

நமக்கான புரிதலென்று

நினைக்கிறேன்

சரிதானே என்னவனே....

-

உன்னில் தானே

இவளின் பிரபஞ்சத்தின்

நேசம் எட்டிபார்த்தது

என்னைப்போலவே

உன்னில் எட்டிபார்க்கும்

அப்போது மறக்காமல்

வந்து சேர்ந்து கொள்

என் நேசத்தில் உனக்காய்

ஆசை மலர்கள்

கணக்கில்லாமல்

பூத்திருக்கும்.......

-

தனக்கென்று வாழாமல்

குடும்பத்துக்கென தன்னை

அர்ப்பணித்து கொண்டு

வியர்வை சிந்தி உழைத்து

தன் குடும்பத்தினர் மகிழ்ச்சியில்

தங்களை காணும்

அத்துணை உழைப்பாளர்களும்

எனக்கு பிடித்தமானவர்கள் தான்

(இதில் திருமண வாழ்க்கை எண்ணி

புலம்பும் மனசும் உண்டு)

அனைவருக்கும் உழைப்பாளர்

தின வாழ்த்துக்கள் 💐💐💐💐

-

ஒருவருக்கு நீ செய்யும்

துரோகம் தான்

உனக்கு இன்னொருவரால்

நிர்ணயம் செய்யப்படுகிறது

உன்னை படைத்தவனிடத்தில்

சாப விமோசனமாக....

-

ஒவ்வொரு முறையும்

குருதி கொட்டும்

வார்த்தைகள் தானே

பிரயோகிக்கிறாய்

இருப்பினும் மௌனத்தோடே

இருக்கிறேன் என்றால்

அழதெரியாமல் இல்லை

மரத்து போன கணத்தை

உயிர்ப்பிக்க விரும்பவில்லை

இவள் மனம் அவ்வளவே....

-

எத்தனை விதமாய்

காயங்களை

கொடுத்திருக்கிறாய்

ஆனாலும் உன்னிடமே

வந்து நிற்கும்

மனதுக்கு போக்கிடம்

இல்லாமை அல்ல

உன்னையன்றி எவரையும்

நாடக்கூடாது என்ற

வைராக்கியம் கூட

காரணமாய் இருக்கலாமே ......

-

பொருத்தங்கள் அற்ற

உறவு தான் நம்முடையது

இருப்பினும் பொருத்தி

கொள்ள நேசம் நிறைய

இருக்கிறதே அது போதுமே

இவ்வாழ்க்கையை

நிறைவாய் வாழ்ந்திட.....

-