Aaj dil ne kaha chal karein pyaar phir
Ye jawani ke din phir kaha'n aayenge
Do qadam chal ke bas hum wahi'n ruk gaye
Soch kar apna anjaam darne lage
Ju'n hi pahuche mohabbat ki basti mein hum
Padh ke lahaul waa'n se guzarne lage
Tauba kar li hai humne mohabbat se bas

Humne bahut kuch saha hai yaha'n
Par kabhi bhi kisi se na shikwa kiya
Bojh jab hum pe gham ka pada bepanah
Toot kar misl e sheesha bikharne lahe
Ju'n hi pahuche mohabbat ki basti mein hum
Padh ke lahaul waa'n se guzarne lage
Tauba kar li hai humne mohabbat se bas

-

Fasiqana shayri ko aarifana kijiye
Khair ke raste mein haa'il nafs ka daldal na ho

-

Nahin hai ehle imaa'n ka ye shewa valentine day
Nabi ke dushmano ka hai tareeqa valentine day

Haya par khanjare ulfat chalate Hain issi din mein
Hadd e insaniyat bhi tod jaate Hain issi din mein
Nikaale Sharm o ghairat ka janaza valentine day

Ye din imaan waalo ke liye dajjali sazish hai
Gunaaho ka samandar hai dar e takmeel e khwahish hai
Zina ko aam karne ka hai rasta valentine day

Bazahir aeisa lagta hai mohabbat aam hoti hai
Haqeeqat mein mohabbat besabab Neelam hoti hai
Mohabbat ka sar e mehfil tamasha valentine day

Hijazi log bhi maghrib ke ab saanchein mein dhalte hain
Gulaab e dee'n ko bekhauf hokar ab kuchalte hain
Khuda ke deen ke dushman ka jaama valentine day

Musalma'n ko Khuda se door karne ke liye
Nashe mein nafsiyati ke choor karne ke liye
Hai shaita'n ke musheero ka ye harba valentine day

-

-

-

Maut bhi dil se manzoor lekin tan khule ye gawara nahin hai
Jismein parda zaroori nahin hai aeisa mazhab hamara nahin hai
Parda kitna zaroori hai behno dushmano ko batana padega
Sharmo ghairat ke zewar se behno tan ko apne sajana padega

-

Aurat mein Allah ne haya rakhi hai
Jis aurat mein haya nahin hoti wo sahi ma'ayno mein aurat nahin hoti

Aur uss haya ki hifazat ke liye mard ko rakha gaya jo mard uss haya ki hifazat na kare wo asal mein mard nahin hota

-

Khud udasi hu'n khud hi mein koi dukh hu'n mai
Aei logo mujhse door raho dekho mai aapka bhala chahti hu'n

-

Jin se mai guzar jau'n wo dar khol de mujh mein
Khud apne hi raste ki mai diwaar hu'n Maula
Mai Banda E Aasi hu'n khatakaar hu'n Maula

Bahar ke ujale mujhe kya raah sujhayein
Andar ke andhero'n mein griftaar hu'n Maula
Mai Banda E Aasi hu'n khatakaar hu'n Maula

Phir tu mere ima'n ko tawanai ata kar
Barso'n nahin sadiyo'n se mai bimaar hu'n Maula
Mai Banda E Aasi hu'n khatakaar hu'n Maula

-

Ab baad e Madina se gul e dil ko khila de
Murjhaya mere qalb ka guldan hai maula

-