ಆಮಂತ್ರಿಸದೇ ಬರುವ
ಆಕಸ್ಮಿಕ ಘಟನೆಗಳು
ನೀಡುವುದು ಮರೆಯಲಾಗದ
ನೆನಪುಗಳು

ಕಹಿ ಸಿಹಿ ಕಬ್ಬು
ಸವಿಯಲು,
ಸವಿದು ಪಡೆದ ರುಚಿಯ
ಅನುಭಿಸಲು
ಆಮಂತ್ರಿಸದೇ ಬರುವವು
ಕೆಲ ಆಕಸ್ಮಿಕ ಘಟನೆಗಳು.

-

ನೆಮ್ಮದಿಗೆ ಮದ್ದು ; ಒಳ್ಳೆಯ ‌ಯೋಚನೆಗಳು.

-

ನಮ್ಮ ಭವಿಷ್ಯದ ಕನ್ನಡಿ.

-

ಜನರಾಡುವ ಮಾತುಗಳಿಗೆ ಮೊದಮೊದಲು ಅಳು ಬರುತ್ತಿತ್ತು, ಈಗೀಗ ನಗು ಬರುತ್ತಿದೆ.

-

ಎಲ್ಲರಿಗು ಕಾಣುವ ನಗು,
ಯಾರಿಗೂ ಕಾಣದ ನೋವಿನಿಂದ ಹೆಚ್ಚು ಬೆಳಗುತ್ತಿತ್ತು.

-

ಹೊರ ಜಗತ್ತಿನ ಬಗ್ಗೆ
ತಿಳಿಯಬೇಕೆಂದವಳಿಗೆ,
ಒಳ ಮನಸ್ಸಿನ ಜಗತ್ತಷ್ಟೇ
ಕಾಣಸಿಕ್ಕಿದ್ದು.

-

ದಿನಗಳು ಹೊಸದಾಗಿದೆ,
ಮನಸು ತಿಳಿಯಾಗಿದೆ
ಬದುಕು ಹಸನಾಗಿದೆ, .
ಕನಸು ಸೊಗಸಾಗಿದೆ,
ನಲಿವು ಹೆಚ್ಚಾಗಿದೆ.
ಮುನಿಸು ದೂರಾಗಿದೆ.

-

ಕೆಲ ವ್ಯಕ್ತಿಗಳ ಸ್ನೇಹ ಅವಶ್ಯಕತೆ ಎಂಬ ಕಿಂಡಿಯಿದ್ದಂತೆ. ಅವಶ್ಯಕತೆ ಇದ್ದಾಗ, ಆ ಕಿಂಡಿಯಿಂದ ಸ್ನೇಹ ಎಂಬ ತಂಗಾಳಿ ಬೀಸುತ್ತದೆ. ಮಿಕ್ಕ ಸಮಯದಲ್ಲಿ ಅದು ಮುಚ್ಚಿ ಅದು ಗೋಡೆಯಂತೇ ಆಗಿಬಿಡುತ್ತದೆ.

-

ಜೀವನದಲ್ಲಿ ನಂಬಿಕೆ ಮತ್ತು ಭರವಸೆ ಕಳೆದುಹೋದಾಗ ಸಿಗುವುದೊಂದೇ ; ಉತ್ತರವಿಲ್ಲದ ಸಾವಿರ ಪ್ರಶ್ನೆಗಳು.

-

ಸಾವಿರಕ್ಕೂ‌ ಹೆಚ್ಚು ವಿವಿಧ ರಂಗೋಲಿ ಬಿಡುವವಳಿಗೆ,
ನೂರಾರು ಬಗೆಬಗೆಯ ಅಡುಗೆ ಮಾಡುವವಳಿಗೆ,
ಲೆಕ್ಕವಿಲ್ಲದಷ್ಟು ದೇವರ ಹಾಡ ಸ್ಮೃತಿಯಲ್ಲಿಟ್ಟಿರುವವಳಿಗೆ,
ಪದವಿ, ಪಿ.ಎಚ್‌ಡಿ ಸರ್ಟಿಫಿಕೇಟುಗಳೆಲ್ಲಾ ಅವಳ ತಕ್ಕಡಿಯ ಇನ್ನೊಂದು ಬದೀಗೆ.

-