"Tum mere saath ho ye sach to nahīñ hai lekin..

Maiñ agar jhoot na bolūñ to akelā ho jāūñ.."

-

"Umr bhar jis ke liye pait se bāñdhe patthar..

Ab vo gin gin ke khilātā hai nivāle mujh ko.."

-

"Dekhoge to har modh pe mil jāeñgī lāsheñ...

Dhūñdoge toh is shahr meñ qātil na milegā.."

-

"Be-ta'alluq tere aage se guzar jaatā hai..

Ye bhī ik husn-e-talab hai tere dīvāne kā.."

-

"Ab to har haath kā patthar hameñ pehchāntā hai..

Umr guzri hai tere shahr meñ aate jaate.." :)

-

"Ek ek kar ke log bichhadte chale gae..

Ye kyā huā ki vaqfa-e-maātam nahīñ milā..

-

"Barsoñ hue na tum ne kiyā bhool kar bhī yaad..

Waade kī tarah ham bhī farāmosh ho gae..'

-

"Idhar se aaj woh guzre to muñh phere hue guzre

Ab un se bhī hamārī be-kasī dekhī nahīñ jaatī.."

-

"Baat ultī woh samjhte hai, Jo kuch kehta hooñ...

Ab ki poochā toh ye keh dūngā ki haal achchaa hai.."

-

"Kitna Aasaan tha tere Hijr main marna Janaañ..

Phir bhi ek umr lagi Jaan se jaate jaate.."

-