നമ്മുക്കൊരാൾക്കേകാവുന്ന ഏറ്റവും വലിയ സമ്മാനം സമയമായിരുന്നുവെന്നായിരുന്നു എന്റെ തോന്നൽ..
എങ്കിലതല്ലെന്നു ഞാൻ മനസ്സിലാക്കുന്നു.
നമ്മുക്കൊരാൾക്കേകാവുന്ന ഏറ്റവും വലിയ സമ്മാനം അയാൾക്കല്പമെങ്കിലും സമാധാനം കൊടുക്കാനാവുകയെന്നതല്ലേ..? ഇനിയഥവാ കൊടുക്കാനായില്ലെങ്കിൽ തന്നെയും കെടുത്താനാവരുത് എന്നതുതന്നെയാണ് .

-

മുടിയിഴകളിൽ വെളുപ്പ് പടരുമ്പോൾ മാത്രമാണ് മനുഷ്യന് കറുപ്പിനോട് ഇത്തിരിയെങ്കിലും ഇഷ്ടം തോന്നി കണ്ടിട്ടുള്ളു ! അല്ലാത്തപ്പോഴൊക്കെ മനുഷ്യൻ വെളുപ്പിന് മുന്നിൽ ഓച്ഛാനിച്ച് നിന്നിട്ടേയുള്ളൂ..അതിനെ സ്വന്തമാക്കാൻ കൊതിച്ചിട്ടേയുള്ളു .

-

പ്രകൃതിയും ജീവജാലങ്ങളും പഠിപ്പിക്കുന്നത്
സ്നേഹിക്കാനാണ്.
എന്നാൽ മനുഷ്യൻ മനുഷ്യനെ ഒരിക്കൽ സ്നേഹിച്ചാൽ
പിന്നെയാ തോന്നൽ തോന്നാൻ മഹാ പാടുമാണ്!

-

മറ്റൊരാളുടെ പ്രണയത്തെ അത്രയുമേറ്റമരുമയോടെ
നിനക്കാസ്വദിക്കാനാവതില്ലയെങ്കിൽ
നീയീവഴി വരാതിരിക്കുക..
ഇവിടെയെന്റെ പ്രണയമാണ് അങ്ങോളമിങ്ങോളം
കടൽപോലിരമ്പിപരന്നു കിടക്കുന്നത്..
നിന്നെ ഇവിടം അലോസരപ്പെടുത്തുകയേയുള്ളൂ.
എന്നേയും.
എന്റെ പ്രണയത്തേയും.

-

സ്വന്തമായിട്ടും സ്വന്തമല്ലാത്തൊരു തണുപ്പാണ് നവംബറിന്…

-

എനിക്കായ് മാത്രം ഉദിക്കുന്ന സൂര്യനല്ല നീ;
നിനക്കായ് വിരിയുന്നൊരായിരം പൂക്കളിൽ
ഒരു പൂമാത്രമാണ് ഞാൻ.

-

my baby pie coming out of the quilt in the morning..😍!
I feel, he longs for my tight hug, my sweet kisses and all my well wishes to make his day brighter.

-

നീയെനിക്കൊരു താങ്ങാവേണ്ട;
താങ്ങുതേടി ഞാനലയുന്ന നേരത്ത്
ഒരു കുറ്റിയായ് നീയവിടെ
കുറ്റിയടിച്ചു നിന്നാൽ മതി.

-

ഒരു കടലിനെ സദാ തേടിയലഞ്ഞൊഴുകുന്ന പുഴ
അവസാനം ഒരു കടലായി മാറുന്നപോലെ
പോയ് പോയ് പോയ്
ഞാനുമൊരു ദിവസം കടലായി മാറുമോ…?

-

സൂര്യനാവാൻ എനിക്കാവില്ല;
എന്നെപോലെ സൂര്യനെ ആരാധിക്കാൻ
സൂര്യനും ആവില്ല.

-