ഒറ്റയ്ക്കല്ല
ഏകാന്തതയുടെ
എല്ലാ ഭാവങ്ങളും
എനിക്കൊപ്പമുണ്ട്...

-

ഞാനെനിക്കു തന്നെ ഒരു
തെറ്റായിരിക്കെ
നിങ്ങളെന്നിൽ ശരികൾ
തിരയരുത്...
ഞാനെനിക്കു തന്നെ ഒരു
ഭാരമായിരിക്കെ
നിങ്ങളെന്നെ ചുമക്കേണ്ടതില്ല...

-

വാചാലതയുടെ സാഗരത്തിൽ എപ്പഴോ...
നീ അവശേഷിച്ചു പോയ മൗനത്തിന്റെ തുള്ളി ഇരിപ്പുണ്ട്
ചിരിച്ചു തള്ളിക്കളഞ്ഞ വാക്കുകൾ
പിന്നീട് ആർത്തലയ്ക്കുന്ന തിരയായി വന്ന്
ഹൃദയഭിത്തിയിലിടിച്ചു കയറും മുമ്പ്...
എനിക്കാ മൗനത്തിന്റെ തുള്ളിയെ കണ്ടെത്തണം...

-

നാം മാത്രമല്ല...

-

ആനന്ദത്തിന്റെ പരകോടിയിൽ
തെളിഞ്ഞു നിൽക്കുന്ന
പൂർണ്ണ ചന്ദ്രനാണ്....







അത്രമേൽ പ്രിയപെട്ടയൊന്നിന്റെ
നഷ്ടപെടലിൽ ഒറ്റപെട്ടു പോയ
ഒറ്റ നക്ഷത്രമാണ്....

-

ഒരേ കടലിൽ
ഇരു കരകളിലെന്ന
പോലെയായിരുന്നു
ഞാനും നീയും...

...

നമുക്കിടയിൽ
കടലുണ്ടായിരുന്നില്ല
പ്രണയത്തിന്റെ
തിര മാത്രമായിരുന്നു അത്...

-

മരണത്തിൽ അവസാനിക്കുന്ന
ചില കാത്തിരിപ്പുകൾ...
അല്ലെങ്കിൽ തന്നെ
ആഘോഷങ്ങളില്ലാത്ത വരവുകളായിരുന്നു പലരുടെയും,
ഉള്ളിൽ നിരാശയും ഭയവും
തോരാത്ത മഴപോലെ പെയ്യുമ്പോഴും
ഉറ്റവരുടെ കാത്തിരിപ്പിലേക്ക്
പ്രതീക്ഷയുടെ പുഞ്ചിരിയുമായി
അണയാൻ അവരെത്ര ആഗ്രഹിച്ചിട്ടുണ്ടാവും...
ചുറ്റിലും മരണത്തിന്റെ ഗന്ധമാണ്
ഒരു ദിവസം കൂടി ജീവിച്ചിരിക്കുക
എന്നതിനേക്കാൾ വലിയ
സാഹസികതയില്ല ഇപ്പോൾ...

-

കേൾക്കുവാൻ നീയെന്ന
ജിന്നുണ്ടെങ്കിൽ
മൊഴിയുവാൻ എനിക്കായിരം
കഥകളുണ്ട്...

-

ശാന്തമായൊഴുകുന്ന
നദിക്കുമുണ്ടാവും
ആർത്തലച്ചു വരുന്ന
തിരയെക്കാൾ
വേഗത്തിൽ
ഒഴുകിയ ഒരു
കഥ പറയാൻ...

-

അറബിക്കഥയിലെ
ആകാശ കോണിയേറി
നിലാവിന്നരികിലേക്ക്
പോകണം
ജിന്നായി വന്നവന്റെ
നക്ഷത്ര കണ്ണുകളെ
പറ്റി കഥ പറയണം...

-