జన్మ మన చేతిలోలేనిది
జన్మంటూ ఎత్తినాక
పెద్ద పండుగ అనికాదుగానీ
జన్మ ఇచ్చిన దేవునికి కృతజ్ఞతలు
పెద్దవాళ్ళ ఆశీర్వాదాలు
మనసుకు హెచ్చరికలు
శ్రేయోభిలాషుల శుభాకాంక్షలు
అంతే ….పటాటోపము
బహుమతులు పార్టీలు కాదులే
పుట్టినరోజు శుభాకాంక్షలు

-

మిట్ట మధ్యాహ్నం వరకు
నిప్పులు చెరగిన ఎండ
ఎండగట్టేసిన ఎండదొర
అంతలోనే ఓ అద్భుతం
మేఘావృతమైన ఆకాశం
తొలకరి చినుకులు కురిసి
జల్లులుగా చిలకరించిన వేళ
చల్లగా పులకరించిన నేల

-

విద్యుత్తు లేని కాలం
చీకటి పడిపోతే
ఇక ఏమీ చేయలేక
అందరికీ విశ్రాంతి
ఈ ఎండల్లో శరీరాన్ని
కష్టం పెట్టకుండా
మధ్యాహ్నం ఓ చిన్న నిద్ర
ఇంట్లోనే ఉంటూ
ఓ ఉల్లాసపరచే ప్రక్రియ

-

మండే ఎండల్లో
డొల్లు కర్తరీ
నిజ కర్తరీ అంటూ
ఏవేవో పేర్లు
పేర్లు ఏవైనా
మధ్యాహ్నం ఓ కనుకు
నీకు నీవే ఇచ్చే కానుక
డస్సిపోయిన శరీరానికి
నిజమైన విశ్రాంతి

-

ఉదయం నులివెచ్చని
లేలేత ఎండ
మధ్యాహ్నం
మేఘావృతమైన ఆకాశం
కురిసి ముద్దగా తడిపేసే వాన
వెరసి గత నలబై ఒక్క ఏళ్లుగా
బెంగళూరు చరిత్ర
సున్నా వర్షపాతంతో
ఈ సంవత్సరం కొత్త చరిత్ర
ఆకాశహర్మ్యాలు నిర్మించిన
చెరువులు ఆక్రమించేసిన
చెట్లను కొట్టి వేసిన
ఘనజనుల ఘనచరిత

-

బహిరంగ రహస్యం
జీవమున్న మనుషులు
నిర్జీవమైన మనసులు
పెద్దలో, డబ్బులో
లింగవివక్షో ,కాలపరీక్షో
ఎప్పుడో మరణము
జరిగిపోయింది
యాంత్రిక బ్రదుకులు
యంత్రంలా జీవితాలు

-

శ్రమ,
శ్రమకు గుర్తింపు
లేకపోవడము
శ్రమ దోపిడి
ఎప్పుడూ
ఏ రంగమైనా
ఎక్కడైనా
ఉంటూనే ఉంటాయి
శ్రమయేవ జయతే
రక్తపు చుక్కలు
స్వేదపు చుక్కలై
జీవన రథాన్నినడిపే
శ్రమకు జయహో జయహో

-

ఆమె సప్తస్వరాల
రాగవిపంచి
ఆమె సప్తవర్ణాల
ఇంద్రధనుస్సు
ఆమె షడ్రుచుల
ఉగాది
ఆమే ఆది ఆమే అనాది

-

విరామం
విశ్రాంతి
అనివార్యం
అలవాటు
అవసరము
మళ్లీ ఓ ఉదయం
మంచి సాయంత్రం
మళ్లీ ఉద్యుక్తము
కావాలి మితము
అప్పుడే హితము

-

మానవత్వం
వ్యక్తిత్వము
ఆదర్శాలు
విలువలు
కుటుంబం
నైతికత
న్యాయం
ప్రశ్నించడం
ఆలోచించడం
ఆచరణలు
విచక్షణ
వివేచన

-