Mai daal daal, mai hi paat hu
Zeher mai hu, mai hi amrut dhaar hu
Hu gyaan ka vidvaan mai, vigyaan ka brahmand hu
Jis nadi ka hai tu paani uska mai kailaash hu
Tu vishaal abhimaan sa toh mai prachand swabhi maan hu
Kya bol tere krenge taya meri uchaayi ko
Parvat tu toh mai baadal ghamasaan hu
Tu kaagaz ka hai sher toh mai, narsingh ki dahaar hu
Tu shiv ka hai taandav toh mai kaali ka naach hu
Tu baaton ka hai veer toh mai karmath balvaan hu
Jahaan dooba hai tu khud ke ahankaar mei
Uss rann ka mai vijeta, mrityunjaya mahakaal hu
Mai hu nahi mohtaaj kisi ki soch ka ‘singh’
Akaar, aviral, alhar, ahvaan hu
Kami kahaan kafan vaalon ki mere dar pe
Hu khud ke dum pe zinda magar, maut ka mai yamraaj hu
Mai daal daal, mai hi paat hu
Zeher mai hu, mai hi amrut dhaar hu
Hu gyaan ka vidvaan mai, vigyaan ka brahmand hu
Jis nadi ka hai tu paani uska mai kailaash hu.
-