கோபத்தையும்
கண்டிப்பையும்
அளவில்லாமல் காட்டி
அன்பை ஆழ்மனதில் மறைத்து
பாசத்தை பண்பிற்குள்
ஒளித்து காட்டிய
என் நட்பான அப்பாவே
சிறந்த அல்ல
மிகச்சிறந்த நடிகர்.




I Miss you Appa.

-

விரைவில் கரையேறடி
குளத்திற்கு
ஜலதோஷம் பிடித்துக்கொள்ளப்போகிறது.

-

மலர்களின் மகிழ்வை கேட்டு
வியந்து நிற்கிறாளோ
அம்மலர்களின் தேவதை இவள்.

-

பிடித்திருந்தால்
குறை குறைய தெரியும்
நிறை நிறைய தெரியும்.

பிடிக்கவில்லை என்றால்
குறை நிறைய தெரியும்
நிறை குறைய தெரியும்.

-

காதலையும் அன்பையும்
யாசித்து பெறுவதற்கு
அவை பணமோ உணவோ அல்ல
ஆத்மார்த்தமான உணர்வில்
உருவாகும் உறவு.

-

-

விலகிச்செல்ல நினைத்தால்
விலகும் முன் பேசிப்பாருங்கள்
விலகலுக்கு இடைவெளி கொடுங்கள்.
தீராத பிரச்சனை என்று ஒன்றும் இல்லை.

-

சின்ன சின்ன சண்டைகள்
முற்றுப்புள்ளியோடு துவங்கும்
வாக்குவாதங்கள்
செல்லமாய் சீண்டல்கள்
அனைத்தும் அழகு
அதீதமான காதலில்
அளவோடு இருக்கையில்.

-

பழகியவர்களிடத்தில்
புன்னகைப்பதற்கும்
அன்பான வார்த்தைகளை
உச்சரிப்பதற்கும்
நேரமில்லாததுபோல் நடந்து கொள்ளாதீர்கள்.

முடிந்த அளவு
நேரம் கிடைக்கும்போது
நேரில் சந்தித்து
பேசுங்கள்.

போகும் வரை
அன்பெனும் விதையை
விதைத்துச்செல்வோமே!

-

கதைக்க முடிவெடுத்தப்பிறகு
நேரம் தூரம்
ஒரு பொருட்டே இல்லை
அன்பே.

-