എടോ വാക
വീണ്ടും പൂത്തിട്ടുണ്ട്
ഞാനെന്നും അവിടെ
പോകാറുണ്ട് ഇപ്പോഴും..
പരിഭവം വിതറികൊണ്ട്
വാകപ്പൂക്കൾ കൊഴിഞ്ഞു
വീഴുന്നുണ്ട് എൻ്റെ ചാരെ
നീയെന്താ വരാത്തതെന്ന് 
ചോദിച്ചു കൊണ്ട്
എന്നെ പോലെ
വാകയും ഉൾകൊണ്ടിട്ടില്ല
നീയിനി തിരിച്ചു വരില്ലെന്ന്..!

-

Don't try to kill
That dreams..
Don't try to kill
That happiness..
Don't try to kill
That families..
Don't try to kill
That friendship..
Don't try to kill
That trusts..

Because
We aren't Animal's
We are Human's..!
Don't kill our Humanity..!

-

ഇന്നീ ശൂന്യതയിൽ
നിലാവിന്റെ നീലതണലിൽ
മിഴി നട്ടിരിക്കുമ്പോൾ
ഇതൾ കൊഴിഞ്ഞുപോയ
നാളുകളിൽ വിധിയറുത്ത
സ്വപ്നത്തിൻ പൂമൊട്ടുകൾ
ഹൃദയത്തിൽ നോവ്
പടർത്തുന്നു..
കാലത്തിനൊപ്പം ഓടാൻ
ശ്രമിച്ച നാളുകളിൽ
നഷ്ടപ്പെടുത്തിയ എന്നെയും
പടിയിറങ്ങിയ ബാല്യത്തെയും
എത്തിനോക്കുമ്പോൾ
പരിഹസിച്ചു ചിരിക്കുകയാണ്
നക്ഷത്ര ദീപങ്ങൾ..!

-

മരണത്തിന്റെ ചൂരുള്ള
ചരിത്ര പുസ്തകങ്ങളിൽ
മണ്ണിന് വേണ്ടി മണ്ണിലലിയേണ്ട
മനുഷ്യരുടെ ധീര സാഹസികതകൾ
നിറയുമ്പോൾ മിഴിനീർ
തോരാതെ അനാഥമായ
ജന്മങ്ങൾ ഒരുപിടി ചാരമായ
സ്വപ്നങ്ങളുമായ് അലയും..!

-

എഴുതാൻ തുടങ്ങിയാൽ
ചിന്തയിലും മനസ്സിലും
ചിതലരിക്കാത്തൊരു
മുഖം ഉണ്ടാവും
എല്ലാവരുടെയും ഉള്ളിൽ
നേടാനും നഷ്ടപ്പെടുത്താനും
കഴിയാതെ പോയൊരാൾ..!

-

കാഴ്ചകൾ കണ്ടു
മനം മയങ്ങേണ്ട നിങ്ങൾ
കാഴ്ചകൾക്കപ്പുറമാണ്
ഇന്നീ ലോകവും മനുഷ്യരും..!

-

തിരക്കിട്ടോടിയതല്ല
തിരിഞ്ഞു നോക്കാഞ്ഞതുമല്ല
പലരുമവിടെ ഇല്ലെന്ന
തിരിച്ചറിവിനാൽ
അഭിനയിച്ചതാണ്..!

-

ഇഷ്ടങ്ങളെല്ലാം
നഷ്ടമായെന്നു തീർച്ചപ്പെടുത്താൻ
ഒരിക്കലുമാവില്ല കാരണം
അത്രമേൽ പ്രിയപ്പെട്ട
ഇഷ്ടങ്ങൾ ഓർമകളിൽ
നമ്മൾ നട്ടുനനച്ചുകൊണ്ടേയിരിക്കും..!
ഓർമകളെല്ലാം നഷ്ടപെട്ടവയാണ്
പക്ഷേ നഷ്ടപ്പെടുന്നതിന്
മുൻപുള്ളതിനേക്കാൾ
മനോഹരമായി തോന്നിയിട്ടുള്ളത്
ശെരിക്കും നഷ്ടപെട്ടതിന്
ശേഷമാണ്...!
നമ്മളോളം വലുതല്ല നഷ്ടങ്ങൾ
നഷ്ടങ്ങളും നേട്ടങ്ങളും
നമ്മളുള്ളിടത്തോളമാണ്..!

-

ജീവിതത്തിൻ കരകളിൽ
തിരയടിച്ചുയർത്തും
ഹൃദയത്തിൻ കടലാഴങ്ങളിൽ
ഒളിച്ചു വെച്ചൊരു കുഞ്ഞുസ്വപ്നം..
ആർത്തിരമ്പും തിരകളായ്
ഉൾക്കോണിലെങ്ങും
അലയടിക്കും നഷ്ടവസന്തം..
ദൃഢതയേറിയ താഴിനാൽ
അടച്ചിട്ട പുറംലോകം കാണാത്ത
പ്രണയത്തിൻ മയിൽപ്പീലി..
എന്നിലായിന്നും മയങ്ങികിടക്കും
മറ്റാരും കാണാത്തൊരു
നൊമ്പരത്തിൻ ശീലുകൾ
ഉറക്കം നടിച്ച മിഴിയിണകളെ
നനച്ചുണർത്തി നിദ്രയേ
പടിയിറക്കാറുണ്ടിന്നും...

-

ക്ഷമിക്കുകയെൻ ഹൃദയമേ
പിന്നിട്ടാ വഴികളിലൂടെ
പിന്നെയും നിന്നെ തെളിച്ചിടേണം
അക്ഷമനായ് നില്കുവാനിനി
വയ്യാതെ തെളിയുമെൻ
ഓര്മകളിലൊരുപിടി മണ്ണിട്ടു
മൂടാൻ സമയമായെന്നുള്ളം
മൊഴിയുന്നിതായീ രാവിൽ...
ക്ഷമിക്കുക നീ യെൻ അമ്മയോളം
ചതിച്ചവരെല്ലാം ചിരിച്ചാടുമീ
വേദിയിൽ ക്ഷമയേകി നീ
പുഞ്ചിരി തൂകുകയെന്നും..
വൈകിയെത്തുമാ ക്ഷമയിൽ
കുരുത്ത ഫലങ്ങളെന്നും
നിൻ തുണയായി വന്നിടുമൊരു
കാലത്തിൻ വഞ്ചിയിൽ..

-