Apne sheher mein banjaaron ki tarah ghumte hain,
Hum har gali, har muhalle mein
apni yaadein dhundhte rehte hain.
Shayad bachpan mein kuch kho gya tha humaara yahan,
puraane kisson mein hum,
kuch ummeedein dhundhte rehte hain. Aksar jab un raaston ko dekhte hain jahan puraana makaan tha toh sochte hain, shayad tumne bhi kabhi wahan ruk kar ek nazar un gulaichi ke phoolon par daali hogi.
Bahut mann karta hai jaan'ne ka ki tum kya sochte the,
Bahut mann karta hai, us chauraahey pe chai ki chuskiyon ke beech, tumse baatein karne ka.
Har chehre mein tumhaara chehra dhundhte hain, lekin kahan milte ho tum!
-